भटक्या विमुक्त विकास परिषद व राज्य शासनाच्या तहसील कार्यालय यांच्या संयुक्त विद्यमाने आयोजित , तसेच माजी नगरसेविका वृषालीताई दत्तात्रय चौधरी यांच्या सहकार्याने या विशेष शिबिरास नागरिकांचा उत्स्फूर्त प्रतिसाद लाभला. या शिबिरासाठी सहाय्यक संचालक इतर मागास बहुजन कल्याण विभाग, माननीय जिल्हाधिकारी साहेब, हवेली तहसीलदार साहेब, मंडळ अधिकारी वारजे, कोथरूड, कात्रज, तलाठी, आरोग्य विभाग मनपा या प्रशासकीय अधिकाऱ्यांच्या सहकार्याने माध्यमातून दाखले देण्यात आले.
सुमारे 200 कुटुंबांनी अर्ज भरले…
वारजे–कर्वेनगर परिसरातील गोसावी समाज, वडार समाज, कंजरभाट समाज, पोतराज समाज, पारधी समाज, भांडेवाले समाज, धनगर समाज तसेच इतर भटक्या व विमुक्त समाजातील नागरिकांनी या शिबिराचा मोठ्या प्रमाणात लाभ घेतला.
जातीच्या दाखल्याच्या अभावामुळे केंद्र व राज्य शासनाच्या अनेक लाभदायक योजनांपासून अनेक नागरिक वंचित राहत होते. जातीचे दाखले मिळणे सर्वात कठीण काम कागदपत्रांची पूर्तता करणे, पुरावे सादर करणे यामुळे दाखले मिळवणे अवघड होत होते. मात्र, या शिबिरामध्ये सर्व शासकीय सेवा एकाच ठिकाणी उपलब्ध करून देण्यात आल्याने नागरिकांना जातीचे दाखले मिळविणे सुलभ झाले. त्यामुळे नागरिकांमध्ये उत्साह व समाधानाचे वातावरण निर्माण झाले.
या शिबिरामध्ये नागरिकांना
▪️जातीचे प्रमाणपत्र
▪️नॉन क्रीमीलेयर प्रमाणपत्र
▪️अधिवास प्रमाणपत्र
▪️उत्पन्नाचा दाखला
▪️आधार कार्ड नोंदणी व दुरुस्ती
यांसारख्या विविध शासकीय सेवांचा लाभ देण्यात आला.
भटके विमुक्त विकास परिषदेचे कार्यकर्ते श्री स्वामी धनगर, डॉक्टर जितेंद्र ठाकूर, श्री प्रशांत सहस्त्रबुद्धे, श्री अरविंद देवकर, श्री किशोर शिंदे, श्री दयानंद राजपूत, श्री विजय हाडके यांनी घरोघरी पोहोचवून या योजनेबद्दल माहिती दिली आणि दाखले काढण्यासाठी विशेष सहकार्य केले.
इतर भागातून देखील या शिबिरासाठी
जात प्रमाणपत्र 1127 नोंदणी
आयुष्मान भारत 72 नोंदणी
आधार कार्ड 102 नोंदणी
आधार कार्ड 19
18 + वयोगट आधार कार्ड 7
रेशन कार्ड 57
जास्तीत जास्त नागरिकांना शासकीय योजनांचा लाभ मिळावा व आवश्यक प्रमाणपत्रे सहज उपलब्ध व्हावीत, या उद्देशाने या विशेष शिबिराचे आयोजन करण्यात आले. या पुढे देखील अशाच प्रकारे दाखले मिळण्यासाठी मार्गदर्शन करण्याचे काम आपल्या जनसंपर्क कार्यालय येथून चालूच राहणार आहे. असे सौ. वृषाली दत्तात्रय चौधरी मा. नगरसेविका, पुणे महापालिका त्यांनी सांगितले आहे.
