अजित पवार यांच्या विमान अपघाताप्रकरणी व्हिएसआर व्हेंचर्स सह डीजीसीएवर गुन्हा दाखल करण्याची आमदार रोहित पवारांची मागणी आहे. एकीकडे पोलिसांना कोणत्याही यंत्रणेविरोधात गुन्हा दाखल करुन तपास करण्याचा अधिकार असला तरी गुन्हा दाखल करायला काही आधार लागतो. जोपर्यंत डीजीसीएच्या चौकशी अहवालात हलगर्जीपणा अथवा कोणी हे जाणूनबुजून घडवून आणल्याचं समोर येत नाही, तोवर गुन्हा दाखल करता येणार नाही असं मत व्यक्त माजी अतिरिक्त पोलीस महासंचालक पी. के. जैन यांनी व्यक्त केलं आहे.
पोलिसांना कोणत्याही यंत्रणा किंवा व्यक्तीचा विरोधात गुन्हा दाखल करून तपास करण्याचा अधिकार आहे. मात्र त्याला काही आधार असावा लागतो. अपघातात डीजीसीएने त्यांच्या कर्तव्याची पूर्तता केली नाही म्हणून त्याच्यावर गुन्हा दाखल करावा हे प्रिलिमरी चौकशी शिवाय शक्य नाही. त्यांनी त्यांचं काम केलं नाही आणि म्हणून त्यांच्यावरती गुन्हा दाखल करावा हे योग्य नाही. आधी त्यांनी चौकशी करावी. यंत्रणेने काम व्यवस्थित केलं नसेल तर त्यांच्यावरती शिस्तभंगाची कारवाई होऊ शकते. त्यांचा यात काही थेट सहभाग नाही म्हणून त्यांच्यावर गुन्हा दाखल करणे उचित ठरणार नाही, त्यांच्यावर खात्याअंतर्गत कारवाई होऊ शकते. याआधी देखील त्यांच्या कर्मचाऱ्यांवर गुन्हा दाखल न करता देखील कारवाई झालेली आहे.
जोपर्यंत डीजीसीएचा चौकशी अहवाल येत नाही कोणाच्या हलगर्जीपणामुळे किंवा मुद्दाम कृत्यामुळं अपघात घडल्याचं समोर आलं तरच गुन्हा दाखल होतो. अहमदाबाद विमान अपघातात शेकडो लोक गेली त्याप्रकरणी देखील अद्याप गुन्हा दाखल झालेले नाही. काल एअर ॲम्बुलन्स अपघातात देखील लोकं मेली त्यातही अद्याप गुन्हा दाखल झालेला नाही. या स्टेजवरती गुन्हा दाखल करणे योग्य नाही या केवळ राजकीय मागण्या आहेत, हे सेक्टर भारतात रेग्युलेटेड आहे. प्रत्येक गोष्टीची पडताळणी करुनच परवानगी दिली जाते असे पी. के. जैन म्हणाले. विमानांचा वरचेवर मेंटेनन्स होतो रजिस्ट्रेशन नव्हतं असं म्हणणं आज मितीला योग्य होणार नाही. विमानाला परवाना होता पायलेट अनुभवी होते म्हणून अनधिकृत रित्या ऑपरेट करत होते असे म्हणता येणार नाही.
विमानाचा लाईफस्पॅन संपला होता हे देखील डीजीसीएच्या चौकशीनंतरच स्पष्ट होऊ शकत, एखाद्याच तसं मत असू शकत पण त्याला सर्टिफाय कोण करणार जरी लाईफस्पॅन संपला असला तरी त्याला परवाना तर होताच, आजमीतिला काही गुन्हेगारी झाली असं म्हणता येणार नाही. प्रथमदर्शनी हा अपघात वाटत असल्याने कोणत्या आधारावर गुन्हा दाखल करावा ही मागणी कशी होते हे समजत नाही. आता जर रोहित पवारांना गुन्हा दाखल करायचा असेल तर कोर्टात जाऊन ते शक्य आहे असे पी. के. जैन म्हणाले.
