उपमुख्यमंत्री अजित पवार यांच्या विमान अपघाताबाबत राष्ट्रावादी शरदचंद्र पवार पक्षाचे आमदार रोहित पवार यांनी पुन्हा एकदा गंभीर शंका उपस्थित करत हा अपघात नसून घातपात असू शकतो, असा दावा केला आहे. नुकत्याच घेतलेल्या पत्रकार परिषदेत त्यांनी काही नवीन आणि गंभीर माहितीच्या आधारे तांत्रिक मुद्द्यांचा उल्लेख करत घातपाताचा संशय दृढ झाल्याचे सांगितले आहे. हा अपघात होता की घातपात याविषयी संशय अजित पवारांचे पुतणे, आमदार रोहित पवार व्यक्त करत आहेत. आज त्यांनी पत्रकार परिषद घेत काही गंभीर प्रश्न उपस्थित केले.
रोहित पवार म्हणाले की, 27 तारखेला घडलेल्या काही घटनांमुळे अनेक प्रश्न निर्माण झाले आहेत. त्या दिवशी काही व्यत्कींची भेट, आलेले फोन कॉल्स आणि त्यानंतर घडलेली घटना यामध्ये संबंध असू शकतो का?, याचा तपास होणे गरजेचे आहे. रोहित पवारांच्या मते समोर येत असलेली माहिती पाहता हा केवळ अपघात नसून नियोजनबद्ध कारवाई असण्याची शक्यता नाकारता येत नाही.
विमानाच्या खरेदीविषयी बोलताना त्यांनी सांगितले की, हे विमान मूळ 35 कोटी रुपयांना खरेदी करण्यात आले होते. मात्र त्याची सध्याची स्थिती आणि इंजिनची गुणवत्ता पाहता आज त्याची बाजारातील किंमत जास्तीत जास्त 10 ते 15 कोटी रुपये असू शकते. काही तज्ज्ञांच्या मते आणि ज्यांनी हे विमान पूर्वी चालवले, त्यांच्या मते तर 10 कोटींनाही ते घेणे योग्य ठरले नसते. असे त्यांनी नमूद केले.
रोहित पवारांनी इन्शुरन्स संदर्भात त्यांनी मोठा मुद्दा उपस्थित केला आहे. विमानाची इन्शुरन्स व्हॅल्यू सुमारे 55 कोटी रुपये होती. मात्र ‘लायबिलिटी इन्शुरन्स’ तब्बल 210 कोटी रुपये असल्याचे त्यांनी सांगितले.
या रकमेचा समावेश विमानात बसलेली लोकं, विमान एखाद्या घरावर किंवा प्राण्यांवर पडले तर होणारे नुकसान, या सर्वांचा समावेश होतो. याशिवाय 210 कोटी रुपयांच्या एकूण विमा रकमेपैकी मुख्य पायलटला किती रक्कम मिळाली असती, ही माहिती त्यांना होती का, आणि प्रत्यक्षात ही रक्कम मिळणार होती का, 210 कोटींच्या इन्शुरन्ससाठी अजित दादांचं विमान पाडलं का? याबाबत स्पष्टता आवश्यक असल्याचे त्यांनी म्हटले.
तपास प्रक्रियेवरही त्यांनी टीका केली. केंद्रीय मंत्री राममोहन नायडू यांनी 90 कोटी रुपये खर्चून आधुनिक तपास प्रयोगशाळा सुरू केल्याचे सांगितले जाते. मग या प्रकरणाचा तपास देशाबाहेर का पाठवला जात आहे? भारतात उपलब्ध तांत्रिक साधनांचा वापर का केला जात नाही, असा सवाल त्यांनी उपस्थित केला.
विमानातील इंधन टाकीबाबतही त्यांनी संशय व्यक्त केला. अतिरिक्त Fuel Can ठेवण्यात आले होते का, याची चौकशी व्हावी, अशी मागणी त्यांनी केली. तसेच ब्लॅक बॉक्समध्ये तांत्रिक अडचण किंवा तो जळाल्याचे कारण पुढे केले जात असल्याबाबतही त्यांनी प्रश्न उपस्थित केले.
विमानातील ब्लॅक बाॅक्स पूर्ण जळाला असल्याचे सांगितले जात आहे. दरम्यान, यावरून रोहित पवार म्हणाले की, ब्लाॅक बाॅक्स हा खूप मजबूत असतो. मोठा स्फोटात देखील तो सुस्थितीत राहतो. आपण पाहिले तर अजितदादांच्या विमानातील कागदपत्र जळलेली दिसत नाहीत.
मात्र, ब्लाॅक बाॅक्स कसा जळाला?
पुढे बोलताना ते म्हणाले, ‘विमानाच्या अपघाताचे जे नवीन व्हिडिओ समोर येत आहेत. त्यामध्ये विमान कोसळल्यानंतर आणखी काही स्फोट होताना दिसत आहेत. विमानात आणखी इंधन असल्याशिवाय हे शक्यत नाही. विमानाच्या दोन्ही पंखामध्ये इंधन असताना अधिकचे इंधनाचे दोन कॅन हे विमानात ठेवल्याचा आम्हाला संशय आहे. जास्त इंधन भरून घातपात करण्याचा प्लॅन असावा.हे विमान मुद्दाम खाली आपटण्यात आले याचा आम्हाला संशय आहे.
इन्शोरन्ससाठी घातपात?
रोहित पवार म्हणाले की, अजितदादा ज्या विमानाने प्रवास करत होते त्याची किंमत 35 कोटी रुपये होती. मात्र, ते विकायला काढले असते तर ते 10 कोटीला विकले गेले असते. मात्र, या विमानाची इन्शूरन्सची किंमत 55 कोटी होती. तसेच अपघातामध्ये व्यक्ती गेली ते घरावर पडले, व्यक्तीवर पडले, विमानातील व्यक्तींचा निधन झाले तर इन्शूरन्स 210 कोटी गेला असता. या अपघातात मुख्य पायलटला किती रुपये मिळणार, याची माहिती पायलटला होती का?
