पुणे महापालिकेच्या आपल्या प्रभाग क्र. ३०, कर्वेनगर-हिंगणे होम कॉलनी मधील मुठा नदीचा १.५ किमी लांबीचा भाग (वारजे महामार्ग पूल ते कर्वेनगर पूल) या परिसरातून वाहणाऱ्या नदीच्या क्षेत्रात जलपर्णीचे प्रमाण वाढले असल्याने नागरिकांच्या आरोग्यासाठी अत्यंत घातक स्थितीचा विचार करून नगरसेवक स्वप्नील दुधाने यांनी पुणे महापालिका आयुक्त यांच्याकडे जलपर्णी काढण्याच्या कामाची मागणी केली होती. पुणे महापालिका प्रशासन यावर तात्काळ कार्यवाही करत परिसरातील जलपर्णी काढण्यास सुरुवात केली आहे.
सध्या उन्हाळ्याची सुरवात होत असून नदीपात्रामध्ये प्रचंड प्रमाणात वाढलेल्या जलपर्णीमुळे डासांचे प्रमाणही वाढत असल्याचे निदर्शनास आले आहे. नदीपात्रानजीक अनेक नागरिकांचे वास्तव्य असून याबाबत पुणे मनपाच्या पर्यावरण विभागाच्या मा. उपायुक्त यांच्याशी संवाद साधला आणि परिस्थितीचे गांभीर्य लक्षात आणून दिले. याप्रसंगी लवकरात लवकर जलपर्णी काढून नागरिकांच्या आरोग्याची काळजी घेतली जावी, अशी विनंती स्वप्नील दुधाने यांच्या वतीने करण्यात आली. यावेळी अधिकारी वर्गाने सकारात्मक प्रतिसाद देत प्रत्यक्ष कामाला सुरुवात केली आहे.
पुणे महापालिकेच्या वतीने तातडीने कार्यवाही केल्याबद्दल मा. स्वप्निल दुधाने नगरसेवक, पुणे महापालिका यांनी प्रशासनाचे आभार मानले आहेत.
