वनाझ परिवार शिव मंदिरामध्ये भक्तिमय वातावरणात आणि उत्साहात महाशिवरात्री महोत्सव संपन्न

कोथरूडवासीयांचे श्रद्धास्थान असलेल्या वनाझ परिवार शिव मंदिरामध्ये गेली दोन दिवस महाशिवरात्री उत्सव मोठ्या उत्साहाने संपन्न झाला. रविवारी महाशिवरात्रीच्या दिवशी भल्या पहाटे पाच वाजल्यापासून शंभू महादेवाच्या लघुरुद्र अभिषेकाला सुरुवात झाली. आळंदी येथील वारकऱ्यांच्या साथीने व वनाझ परिवार भजनी मंडळाच्या साथीने सकाळी ९ वाजता पालखी आझाद नगर, गुजरात कॉलनी, वनाझ कॉर्नर, पौड रोड मार्गे पुन्हा वनाझ परिवारामध्ये अशी पालखी मिरवणूक काढण्यात आली.

या मिरवणुकीमध्ये महिलांची उपस्थिती लक्षणीय होती. दरवर्षी प्रमाणे याही वर्षी मंदिर आणि परिसरामध्ये केलेल्या आकर्षक विद्युत रोषणाईने आलेल्या असंख्य भाविकांचे लक्ष वेधून घेतले. मंदिर आणि गाभाऱ्यामध्ये देखील सुंदर सजावट करण्यात आली होती.

मंदिराच्या आवारात बर्फाच्या सहाय्याने साकारलेले शिवलिंग हे प्रमुख आकर्षण ठरले. महाशिवरात्रीच्या दुसऱ्या दिवशी सोमवारी सकाळी ९ वाजता ह भ प ऋतिकाताई कदम यांचे काल्याचे किर्तन पार पडले तर ११ वाजता महाप्रसादाला सुरुवात करण्यात आली. कोथरूड आणि परिसरातील सुमारे ५५०० भाविक भक्तांनी या महाप्रसादाचा आस्वाद घेतला. दिवसेंदिवस वनाझ परिवार शिव मंदिरामध्ये येणाऱ्या भाविकांची संख्या वाढतच आहे.

केंद्रीय राज्यमंत्री मुरलीधर मोहोळ त्यांच्या पत्नी सौ. मोनिका मुरलीधर मोहोळ, माजी आमदार चंद्रकांत मोकाटे,राज्यसभा खासदार मेधा कुलकर्णी, माजी गटनेते नगरसेवक पृथ्वीराज सुतार,बांधकाम व्यावसायिक प्रवीण बढेकर, मनसेचे सरचिटणीस ॲड.किशोर शिंदे, मा नगरसेवक योगेश मोकाटे, नगरसेवक दिनेश माथवड, वासंती जाधव, अल्पना वरपे, दिपाली डोक, ज्योत्स्ना कुलकर्णी, मनिषा बुटाला यांच्यासह विविध क्षेत्रातील मान्यवर या उत्सवाला आवर्जून उपस्थित होते.

समस्त वनाझ परिवारातील असंख्य महिला भगिनी, ज्येष्ठ नागरिक आणि तरुणांच्या सहकार्याने हा महाशिवरातील उत्सव यशस्वीरित्या पार पडला अशी माहिती वनाझ शिवशंभो सेवा प्रतिष्ठानचे अध्यक्ष आणि महाराष्ट्र नवनिर्माण सेनेचे कोथरूड उपविभाग अध्यक्ष संजय काळे यांनी दिली.

प्रतिष्ठानचे उत्सव प्रमुख युवराज गायकवाड, उपाध्यक्ष यतिन घरत,कार्याध्यक्ष दीपक कुल, सचिव विकास जाधव, जनार्दन सातपुते, बाबासाहेब गायकवाड, मिलिंद देशपांडे, यतिन घरत, विशाल उभे, महेश यादव, विकास पंदिरे, संतोष बाईत, महेश कांबळे‌, श्याम सुर्वे आणि सल्लागार विनायक पवार, केदार घाटे यांच्या प्रयत्नातून महाशिवरात्री उत्सव यशस्वी करण्यात आला.