मुंबई दि. १४ (रामदास धो. गमरे) अण्णाभाऊ साठे गृहनिर्माण हौ. सोसायटी, नायगाव डिव्हिजन, मुंबई – १४ या सोसायटीमध्ये निवडून आलेल्या सदस्यांची शासकीय निवडणूक अधिकारी ज्ञानेश्वर माने यांच्या अध्यक्षतेखालील शासकीय बाबींची पूर्तता झाल्यानंतर कमिटी कार्यालयात सभा घेण्यात आली.
सदर सभेत दीपक बनसोडे यांनी बिनविरोध निवड करण्यात आली त्याचप्रमाणे सरचिटणीस दीपक गायकर व कोषाध्यक्ष राजाभाऊ तथा रामदास धो. गमरे यांचीही बिनविरोध निवड करण्यात आली तर सदस्य पदी राजू गायकवाड, श्रीधर मोरे, तारामती कांबळे, भारती पाखले, योगिता मोरे, अनंत मोहिते, संगीता साळवी, रमेश बागकर, प्रकाश नारकर, मारुती जोगळे, संजय कांबळे, महेंद्र खंडाळे यांची सदस्य पदी निवड करण्यात आली निवडणूक प्रक्रियेतून अश्या प्रकारे निवड होताच सभागृहात आनंदाचे वातावरण निर्माण झाले, तसेच सदर निवडणुकीत एस. सी. प्रवर्गाचा एक फॉर्म बाद झाल्याने ते एक पद व खुल्या प्रवर्गातून फॉर्म न भरल्याने एक पद अशी दोन पदे रिक्त असून ती शासकीय नियमांची पूर्तता करून नंतर भरली जातील असा ठराव सभागृहात सर्वानुमते मंजूर करून घेण्यात आला. सदर निवडणूक प्रक्रियेत निवडणूक अधिकारी ज्ञानेश्वर माने यांनी शासकीय नियमांचे पालन करीत नवीन कमिटीला चांगल्याप्रकारे मार्गदर्शन करून ही निवडणूक प्रक्रिया पारदर्शक पद्धतीने पार पाडून मोलाचे सहकार्य केल व नवीन कमिटी निवडण्यासाठी जे योगदान दिले त्याबद्दल नवीन निवडून आलेल्या कमिटीच्या, सदस्यांच्या व सर्व उपस्थितांच्या वतीने सरचिटणीस दीपक गायकर यांनी निवडणूक अधिकारी ज्ञानेश्वर माने यांचे व नवीन कमिटी, सदस्य व उपस्थितांचे आभार मानून कार्यक्रमाची सांगता केली.
