पुणे महापालिकेच्या सार्वत्रिक निवडणुकीमध्ये भारतीय जनता पक्षाला यश मिळाले असले तरीसुद्धा कोथरूड बालेकिल्ला असलेल्या भागातच तीन प्रभागांमध्ये मोठा फटका बसला असून आयात उमेदवारांच्या जीवावर नवीन प्रभाग काबीज केला असला तरी सुद्धा स्थायी समितीमध्ये संधी कोणाला हीच मोठी समस्या निर्माण झाली आहे. या भागात पक्षाने विरोधातील ‘दबंग’ चेहऱ्यांना पक्षांमध्ये सामील करून विजयी केल्याने त्यांच्या इच्छा पल्लवीत झाल्या आहेत. पुणे महापालिका प्रशासनामध्ये काम करण्याचा प्रदीर्घ अनुभव आणि लोकप्रियता या जीवावर निष्ठावान कार्यकर्त्यांच्या नशीब असलेली स्थायीची संधी कदाचित या दबंग आयात लोकांना मिळण्याची शक्यता निर्माण झाली आहे.
कोथरूड विधानसभा मतदारसंघातील अत्यंत पक्की बांधणी असलेला बाणेर पासून बालेवाडी भाग म्हणून ओळखला जात होता. या भागातील संघटन कौशल्याचा जीवावर पक्षाने नवे प्रयोग करत पुणे महापालिकेत नवख्या चेहऱ्यांना संधी दिली असली तरीसुद्धा अनपेक्षित पणे २ मोठे चेहरे विजयी झाल्याने आणि पक्षाकडून विजय झालेले दोन्ही चेहरे नवखे (१आयात) असल्याने स्थायी समितीमध्ये यांचा विचार होण्याची शक्यता धुसर आहे. औंध सहाय्यक आयुक्त कार्यालयात विजयी झालेल्या 6 पैकी एका सदस्याची निवड उपमहापौर पदासाठी करण्यात आल्याने स्थायी साठी या भागाला प्राधान्य मिळण्याची शक्यता मावळली आहे. महाराष्ट्रात गाजलेली अतितटीची लढत अमोल बालवडकर यांनी विजयी करत ज्येष्ठ सदस्य ही सोबत विजयी झाल्याने राष्ट्रवादीकडून या प्रभागामध्ये स्थायी समितीचे पद दिले जाण्याची शक्यता आहे.
भारतीय जनता पक्षाचे पुण्यातील शक्ती केंद्र म्हणून कोथरूडची ओळख आहे. या भागातूनच २ खासदार आणि १ आमदार अशी तगडी फौज असतानाही या भागात पारंपरिक विरोधक काँग्रेसचे दोन आणि पालिकेतील विरोधी पक्ष असलेल्या राष्ट्रवादी काँग्रेस पक्षाचा एक उमेदवार विजयी झाला आहे. कोथरूड सहाय्यक आयुक्त कार्यालय भागातील २ ज्येष्ठ महिला सदस्यांना स्थायी समिती सदस्य मिळण्याचे शक्यता निर्माण झाली आहे; परंतु या भागामध्येच प्राबल्य असलेला भाजपवासी झालेला चेहरा सलग चौथ्यांदा विजयी झाल्याने श्रेष्ठत्वाच्या तत्त्वावर त्यांचा दावा आजही अबाधित आहे. नेत्यांची मर्जी राखण्यामध्ये मश्गूल असलेल्या कार्यकारिणीच्या धोरणामुळे कोथरूड बावधन सहाय्यक आयुक्त कार्यालय मध्ये भारतीय जनता पक्षाचे 9 आणि विरोधातील 3 नगरसेवक विजयी झाल्याने पहिल्या स्थायी समितीमध्ये नक्की संधी कोणाला याची चर्चा सध्या परिसरामध्ये सुरू आहे.
पुणे महापालिकेच्या इतिहासात प्रथमच परिपूर्ण सदस्य संख्या मिळवण्यामध्ये यश आलेला भाग म्हणून वारजे कर्वेनगर क्षेत्रीय कार्यालयाकडे पाहिले जात आहे. 2012 पूर्वी फक्त एकाच प्रभागात प्राबल्य असलेल्या भारतीय जनता पक्षाने हळूहळू वाटचाल करत संपूर्ण क्षेत्रीय कार्यालयामध्ये आपली ताकद वाढवण्यास सुरुवात केली. मागील 2017 च्या निवडणुकीमध्ये 2 प्रभागांमध्ये (7) भारतीय जनता पक्षाला यश मिळाले होते. यावेळी विद्यमान विरोधकांनाच भाजपवाशी करून रणनीती आखली परंतु अनपेक्षितपणे पराभव स्वीकारावी लागलेली १ जागा या प्रभागातील इच्छुकांचे ‘स्वप्न’नील करण्याची शक्यता आहे. पुणे महापालिकेचे सिकृत सदस्यत्व या क्षेत्रीय कार्यालयाच्या अंतर्गत दिली जाण्याची शक्यता असल्याने स्थायी मध्ये या सहाय्यक आयुक्त कार्यालयाचा विचार होण्याची शक्यता मावळली आहे. सध्या वारजे कर्वेनगर सहाय्यक आयुक्त कार्यालय अंतर्गत भारतीय जनता पक्षाचे 11 व विरोधकांचा 1 (संभाव्य विधानसभेचा चेहरा) असल्याने भारतीय जनता पक्ष कोणता निर्णय घेतो याकडे सर्वांचे लक्ष लागले आहे.
