डॉ पतंगराव कदम साहेबांच्या जयंतीनिमित्त व डॉ विश्वजीत उर्फ बाळासाहेब कदम यांच्या वाढदिवसानिमित्ताने मैत्री क्रिकेट प्रतिष्ठान व अभिजीतदादा कदम मित्र मंडळ व प्रतिष्ठान यांच्या संयुक्त विद्यमानाने भव्य क्रिकेट व हॉलीबॉल स्पर्धा कोथरूड मध्ये आयोजित करण्यात आल्या होत्या.
या स्पर्धेचे उद्घाटन महानगरपालिकेचे गटनेते अँड रामचंद्र उर्फ चंदुशेठ कदम, नवनिर्वाचित नगरसेविका सौ. दिपाली ताई डोक, नयना ताई सोनार, कान्हू साळुंखे ,पांडूरंग गायकवाड, रविंद्र माझीरे, अँड गणेश मारणे, अँड शिवाजी भोईटे यांच्या शुभहस्ते झाले. प्रभाग क्रमांक ११ मधील २० क्रिकेट संघांनी या स्पर्धेत सहभाग घेऊन खेळाडूंनी स्पर्धेचा आनंद घेतला. या स्पर्धेचा प्रथम क्रमांक पी के सी सी क्रिकेट क्लबने पटकावला तर द्वितीय क्रमांक प्रोफेशनल क्रिकेट क्लब ने मिळवला.
हॉलीबॉल स्पर्धेत पुणे शहरातील सहा महिलांच्या व सहा पुरुषांच्या महाविद्यालयांनी सहभाग नोंदविला या हॉलीबॉल स्पर्धेत मुलींमध्ये प्रथम क्रमांक मॉर्डन महाविद्यालयाने पटकावला तर द्वितीय क्रमांक लॉ कॉलेज भारती विद्यापीठांनी मिळविला मुलांमध्ये प्रथम क्रमांक लॉ कॉलेज भारती विद्यापीठाने पटकविला तर द्वितीय क्रमांक मॉर्डन महाविद्यालयाने मिळविला. स्पर्धेचा पारितोषिक समारंभ आरोग्य सेवक प्रकाश नलावडे, राष्ट्रीय कबड्डी खेळाडू अनिल कानगुडे, शंकर शेडगे, सचिन शेळके व ऋषभ ढमाले यांच्या हस्ते पार पाडला.
स्पर्धेच्या नियोजन लिंबाजी दिघे, जावेद शेख अजय हुलावळे, कुणाल पवार व निलेश सपकाळ यांनी केले.
