मुंबई दि. २८ (रामदास धो. गमरे) बौद्धजन पंचायत समिती अंतर्गत डॉ. बाबासाहेब आंबेडकर दक्षिण पुतळा स्मारक समिती, कुलाबा फोर्ट गट क्रमांक एक तसेच महात्मा फुले भेंडी बाजार गट क्रमांक दोन यांच्या संयुक्त विद्यमाने २६ जानेवारी रोजी ७७ वा प्रजासत्ताक दिन व संविधान रॅली मोठ्या उत्साहात आयोजित करण्यात आली.
या कार्यक्रमाप्रसंगी वार्ड क्रमांक २२५ च्या नगरसेविका हर्षिता अश्विन नार्वेकर यांच्या हस्ते ध्वजारोहण करण्यात आले. यावेळी बौद्धजन पंचायत समितीचे उपसभापती तसेच रिपब्लिकन सेना कोकण विभाग अध्यक्ष आदरणीय विनोद मोरे साहेब प्रमुख उपस्थित होते.
कार्यक्रमाला रिपब्लिकन सेना दक्षिण मुंबई जिल्हाध्यक्ष भगवानजी साळवे, कोषाध्यक्ष प्रदीपजी साळवे, प्रसिद्धी प्रमुख मंगेशजी जाधव, सल्लागार दर्शनजी जाधव, समाजसेवक अनिल कांबळे, बाळा भाई कदम, उज्वलजी जाधव, माजी गट प्रतिनिधी मनोर जाधव, श्रीमती दीपिका खळे, अग्रे मॅडम, श्रीमती सोनाली उज्वल जाधव यांच्यासह दोन्ही गटांतील शाखा पदाधिकारी व सभासद मोठ्या संख्येने उपस्थित होते.
यावेळी समता दल प्रमुख प्रशांतजी माळी व संपूर्ण समता सैनिक दल यांच्या वतीने विश्वरत्न डॉ. बाबासाहेब आंबेडकर यांना मानवंदना देण्यात आली. तसेच या कार्यक्रमासाठी स्थानिक कुलाबा पोलीस स्टेशन, आरटीओ व मुंबई महानगरपालिका यांनी सहकार्य केले.
या यशस्वी आयोजनाबद्दल कुलाबा फोर्ट गट क्रमांक एक व महात्मा फुले भेंडी बाजार गट क्रमांक दोन यांच्या वतीने तसेच बौद्धजन पंचायत समिती अंतर्गत डॉ. बाबासाहेब आंबेडकर दक्षिण पुतळा स्मारक समितीच्या वतीने ७७ व्या प्रजासत्ताक दिनानिमित्त तमाम कुलाबावासी नागरिकांना हार्दिक शुभेच्छा देण्यात आल्या.
