मुळशी तालुक्यामध्ये आदिवासी मुलांच्या शिक्षणासाठी काम करणाऱ्या जनजाती कल्याण आश्रम (सलग्न वनवासी कल्याण आश्रम महाराष्ट्र) हुतात्मा नाग्या महादू कातकरी समाज विकास केंद्र माले, ता. मुळशी, जि. पुणे येथील आदिवासी मुलांच्या आश्रम शाळेमध्ये स्नानास आवश्यक ‘सोलर पॅनल’ भारतीय जनता पक्षाचे निष्ठावान कार्यकर्ते गोरख दगडे यांच्या वतीने देण्यात आले आहे.
केंद्रीय राज्यमंत्री, सहकार व नागरी हवाई वाहतूक मुरलीधर मोहोळ यांच्या वाढदिवसानिमित्त जनजाती कल्याण आश्रम (संलग्न अखिल भारतीय वनवासी कल्याण आश्रम) संचलित हुतात्मा नाग्या महादू कातकरी समाजविकास केंद्र (कातकरी मुलांचे वसतीगृह) संस्थेतील कातकरी समाजाच्या विद्यार्थ्यांसाठी अत्यावश्यक असणारी गरम पाण्याची व्यवस्था करण्यात आली आहे. नेत्यांचा वाढदिवस सामाजिक भावनेने साजरा केल्यास मिळणाऱ्या मिळणाऱ्या सदिच्छा नेतृत्वाला दीर्घायुष्य देतात या भावनेतून केंद्रीय राज्यमंत्री यांचे सहकारी राष्ट्रीय स्वयंसेवक संघाचे स्वयंसेवक गोरख रावसाहेब दगडेपाटील यांच्या योगदानातून ही सोलर व्यवस्था बसविण्यात आली आहे.
सध्या परिसरामध्ये स्थानिक स्वराज्य संस्थांची आचारसंहिता लागू असल्यामुळे कोणताही थाटामाटात कार्यक्रम न करता थेट लाभ देण्याचा निर्णय घेण्यात आला आहे. आगामी काळामध्ये मुळशीचे सुपुत्र केंद्रीय राज्यमंत्री मुरलीधर मोहोळ यांच्या सस्नेह भेटीचे आयोजन करण्यात येणार असल्याचे गोरख रावसाहेब दगडेपाटील यांनी सांगितले.
