पुणे महापालिका निवडणुकीच्या निमित्ताने राष्ट्रवादी काँग्रेस पक्षाची ताकद कमी करण्यासाठी विरोधकांनी जंग पछाडले असले तरीसुद्धा अजित पवार यांच्या धुरंदर रणनीतीमुळे नव्या भिडूंच्या साथीने प्रभाग 32 व प्रभाग 30 मधील वार फिरवलं असून नव्या भिडूंच्या मदतीसाठी अजित पवार यांची आज जाहीर सभा होणार आहे. मुळात वेगळ्या ‘धाटणी’ च्या राजकारणाला जनता कंटाळलेली असतानाच अजित पवार यांनी विकासाची कास धरणाऱ्या नवतरुणांची एक चांगली मोट बांधून भारतीय जनता पक्षाचे मनसुबे उधळण्याची रणनीती आखली आणि या रणनीतीला यश मिळत असताना विजयी मोहर लावण्यासाठी आज महाराष्ट्राचे उपमुख्यमंत्री अजितदादा पवार अजितदादा पवार मैदानात उतरले असून खडकवासला पुन्हा काबीज करण्याचा त्यांचा प्रयत्न राहणार आहे.
भारतीय जनता पक्षाने आजपर्यंत प्रभाग क्रमांक 30 कोणतेच काम केलेले नसताना राष्ट्रवादी काँग्रेस पक्षाचा युवा चेहरा स्वप्निल दुधाने यांनी मात्र पुणे महापालिकेत मिळालेल्या संधीचा वापर करत वर्षानुवर्ष प्रलंबित असलेले प्रकल्प पूर्णत्वास नेऊन जनमतामध्ये एक वेगळी भूमिका तयार केली आहे. पुणे महापालिकेच्या सदस्यत्वाची मुदत संपल्यानंतरही नित्य नियमाप्रमाणे दररोज जनसेवेसाठी आयुष्य व्यतीत केलेले या नागरिकांनी पाहिले असल्याने या उमेदवारासाठी नागरिकांच्या मनात सहानुभूती निर्माण झाली आहे. विरोधकांचे तीन नगरसेवक असतानाही स्वप्निल दुधाने यांनी ….गडी एकटा भारी! अशी कामगिरी केल्याने प्रभागामध्ये राष्ट्रवादी काँग्रेस पक्षाच्या उमेदवारांना जनपसंती वाढत आहे. वारजे माळवाडी प्रभाग क्रमांक 32 आजपर्यंत भारतीय जनता पक्षाला कधीच जनकौल न मिळालेला भाग काबीज करण्यासाठी विद्यमान नगरसेवकांना भाजपवाशी केले परंतु अजित पवार यांनी हार न मानता या प्रभागामध्ये सुनियोजित बांधणी आणि स्वच्छ चरित्र विकासवादी भूमिका असलेल्या चेहऱ्यांना संधी देऊन मतदारांसाठी एक सक्षम पर्याय निर्माण केला आहे. कर्वेनगर भागात होणाऱ्या अजितदादा पवार यांच्या सभेमुळे प्रभाग 30 कर्वेनगर, होम कॉलनी व प्रभाग 32 वारजे पॉप्युलरनगर भागातील वातावरण चांगलेच तापणार आहे.
पुणे महापालिका निवडणूकीत प्रभाग क्रमांक 30 कर्वेनगर होम कॉलनी आणि प्रभाग क्रमांक 32 वारजे पॉप्युलरनगर या दोन प्रभागात जोरदार लढत होणार आहे. भागात राष्ट्रवादी काँग्रेस पक्षाला मानणारा मोठा वर्ग आहे. दीपाली धुमाळ यांनी नगरसेवक पदाच्या कार्यकाळात पुणे महापालिकेमध्ये विरोधी पक्ष नेता या पदावरून विविध विकास कामे, प्रकल्प उभे केले आहेत. तसेच दीपाली धुमाळ, सचिन बराटे, किरण बारटक्के, अश्विनी कांबळे या उमेदवारांचा जनसंपर्क दांडगा आहे. त्यामूळे राष्ट्रवादी काँग्रेस पक्षाचे उमेदवार निवडून येतील असा विश्वास राष्ट्रवादी काँग्रेस पक्षाच्या उमेदवार आणि कार्यकर्ते व्यक्त करत आहेत. प्रभाग क्रमांक 30 कर्वेनगर हिंगणे होम कॉलनी स्वप्नील दुधाणे, विजय खळदकर, संगिता बराटे, निवेदिता जोशी आणि प्रभाग क्रमांक 32 वारजे पॉप्युलर नगर मध्ये दीपाली धुमाळ, सचिन बराटे, किरण बारटक्के, अश्विनी कांबळे या राष्ट्रवादी काँग्रेस पक्षाच्या उमेदवारांच्या प्रचारासाठी अजित पवार यांची जाहीर सभा डॉ. बाबासाहेब आंबेडकर चौकात संध्याकाळी आठ वाजता आयोजित करण्यात आली आहे.
