पुणे महापालिकेच्या निवडणुकीमध्ये प्रभाग क्रमांक ३० मधील राजकीय गणित जुळवण्यासाठी भारतीय जनता पक्षाने उर्वरित एक जागा ताब्यात घेण्याच्या हेतूने काही धक्कादायक पावले उचलत कर्वेनगर हिंगणे होम कॉलनी विजयी करण्याचे आराखडे बांधले तरी राष्ट्रवादी काँग्रेस पक्षाच्या वतीने अत्यंत बारकाईने तयार करण्यात आलेल्या नव्या चेहऱ्यांच्या उमेदवारांची कर्वेनगरमध्ये बांधणी करून नवे आव्हान तयार केले आहे. त्यातच पुणेकरांनी विद्यमान सत्ताधारी पक्षापेक्षा राष्ट्रवादी काँग्रेस पक्षाला दिलेली पसंती ही कर्वेनगरमध्ये सुद्धा जाणवू लागली आहे. नव्या चेहऱ्याच्या शाश्वत विकासाच्या योजना आणि प्रत्यक्षात केलेले काम मतदारांच्या पसंतीस उतरत असून प्रचारामध्ये वेगळी रंगत निर्माण झाले आहे.
कर्वेनगरमध्ये यंदा अजितदादांनी विजय मिळवण्याचा चंग बांधला असून व्यक्तिगत लक्ष म्हणून या प्रभागात जाहीर सभेचे आयोजन केले आहे. वारजे माळवाडी कर्वेनगर ही राष्ट्रवादी काँग्रेस पक्षाची ताकद लक्षात घेऊन या ताकतीचा वापर करून नव्या चेहऱ्यांना या भागामध्ये उमेदवारी देत अजित पवार यांनी नवी गणिते जुळवण्यास सुरुवात केली आहे. राष्ट्रवादी काँग्रेस पक्षाच्या वतीने या दोन्ही प्रभागांमध्ये देण्यात आलेले उमेदवार हे नव्या पिढीचे आणि विकासवादी धोरण असलेले आहेत त्यामुळेच मतदारांसाठी ही जमिनीची बाब बनली आहे. भारतीय जनता पक्षाशी दोन हात करत गेले ‘आठ वर्ष’ कर्वेनगर परिसरामध्ये विकास पर्व नावाने घराघरात पोहोचलेला स्वप्निल दुधाने हा युवा चेहरा समोर ठेवून राष्ट्रवादी काँग्रेस पक्षाने या भागात विकासाचे व्हिजन हा सक्षम पर्याय मतदारांपुढे ठेवला आहे. पुणेकरांनी नुकत्याच झालेल्या सर्वे मध्ये विद्यमान पक्षापेक्षा राष्ट्रवादी पक्षाला पसंती दिल्यामुळे या भागातील सर्वच उमेदवार विजयी होण्याची आशा दस्तुरखुद अजित पवार यांना झाल्याने थेट जाहीर सभेतून भारतीय जनता पक्षाला आव्हान देण्याची नियोजन करण्यात आले आहे.
कर्वेनगर भागाचा पुणे महापालिकेच्या हद्दीमध्ये सर्वात अगोदर समावेश झाल्या नंतरही या भागातील पायाभूत सुविधा आजही अपूर्ण अवस्थेत असणे ही या परिसराची खंत लक्षात घेऊन राष्ट्रवादी काँग्रेस पक्षाचे अधिकृत उमेदवार स्वप्निल दुधाने यांनी गेल्या आठ वर्षापासून या विषयावर काम करण्यास सुरुवात केली आहे. कर्वेनगर चे एका कोपऱ्यामध्ये सुरू झालेली ही विकास गंगा संपूर्ण प्रभागात पोहोचवण्यासाठी अजित पवार यांनी युवा चेहरा शाश्वत विकासाचे पाईक स्वप्निल दुधाने यांच्या साथीला काँग्रेस पक्षाचा निष्ठवान कार्यकर्ता विजय खळदकर उमेदवार दिल्याने संपूर्ण प्रभागांमध्ये या नव्या तरुणांसाठी एक उत्साह आणि प्रगतीची आशा निर्माण झाली आहे. दोन्ही युवा चेहऱ्यांची चांगली जोडी जमल्यानंतर लाडक्या बहिणींमध्ये सुद्धा लोकप्रिय असलेल्या संगीता बराटे या चेहऱ्याला पॅनलमध्ये संधी देऊन एक सक्षम पर्याय भारतीय जनता पक्षाच्या विरोधात उभा करण्यामध्ये अजित पवार यांना यश आले आहे.
पुरोगामी विचारांची पक्की बांधणी आणि केवळ आणि केवळ विकास प्रकल्प याला प्राधान्य देत राष्ट्रवादी काँग्रेस पक्षाच्या वतीने प्रचार केला जात असल्याने विकासासाठी आसुसलेल्या मतदारांची सर्व गणिते जुळवण्यास सुरुवात झाली आहे. महाराष्ट्राचे लाडके उपमुख्यमंत्री अजितदादा पवार यांनी सुद्धा याच भूमिकेला पूरक रणनीती आखत शंखनाद करून भारतीय जनता पक्षाचा करेक्ट कार्यक्रम करण्याचे नियोजन आखले असल्याची चर्चा परिसरामध्ये रंगू लागली आहे.
