कोथरूड विधानसभा मतदारसंघातील अत्यंत प्रतिष्ठेच्या प्रभाग 11 मधील विजयासाठी उच्चतंत्र शिक्षण मंत्री चंद्रकांत दादा पाटील यांच्या नेतृत्वात गणिते आखण्यास सुरुवात झाली आणि प्रभागातील भारतीय जनता पक्षाच्या प्रचाराची दिशाच बदलली आहे. या प्रभागात विजय मिळवण्यासाठी थेट लढती किती आवश्यक आहेत याची जाणीव नेतृत्वाला झाल्यानंतर अनेक विद्यमान उमेदवारांचा पाठिंबा मिळवण्यात यश मिळवले. त्यानंतर भारतीय जनता पक्षाचे प्रभागातील पारडे जड झालेच परंतु नागरी उत्साहही वाढला आहे.
केंद्रीय राज्यमंत्री मुरलीधर मोहोळ व महाराष्ट्र राज्याचे उत्तर उच्चतंत्र शिक्षण मंत्री चंद्रकांतदादा पाटील या ‘धुरंदर’ नेत्यांनी प्रभाग 11 मध्ये विजय मिळवण्यासाठी सूक्ष्म नियोजन आखली असून व्यक्तिगत लक्ष घातल्यामुळे प्रचाराची गती आणि दिशा बदलली आहे. केंद्रीय राज्यमंत्री मुरलीधर मोहोळ यांच्या पत्नी मोनिकावहिनी मोहोळ यांनी घरोघरी जाऊन या प्रभागातील मतदारांना ‘तुमची आमची भाजपा सर्वांची!’ अशी विनवणी मतदान करण्याची मागणी केली आहे. केंद्रीय उच्च व तंत्र शिक्षण मंत्री चंद्रकांत दादा पाटील यांनी गेली चार वर्षे या प्रभागातील माय माऊली व कुमारिका यांच्यासाठी विशेष प्रकल्प राबवत घराघरात भारतीय जनता पक्ष पोहोचवण्याची काम केले. पुणे महापालिकेचे निवडणूक रणशिंग सध्या वाचत असले तरीसुद्धा भारतीय जनता पक्षाच्या वतीने मात्र ‘घर घर काम किया, बस अभी’जीत’ बाकी! अशी प्रेरक उद्घोषणा दिली आहे. केळेवाडी, राजमाता जिजाऊनगर आणि रामबाग कॉलनी परिसरातील भारतीय जनता पक्षाची प्रचार यंत्रणा घरोघरी पोहोचत असताना उत्साही स्वागत केले जात आहे.
प्रभाग 11 सर करून भारतीय जनता पक्षाचे कमळ फुलवायचं हा दृढ निश्चय गेली चार वर्षे पासून कार्यकर्त्यांनी केला असल्याने पूर्वीच करण्यात आलेल्या सूक्ष्म बांधणीचा प्रचार कार्यामध्ये अत्यंत फायदा होत आहे. वारसा हक्क म्हणून राजकारणाचा वापर करणाऱ्या वेगळ्या धाटणीचा या प्रभागात करेक्ट कार्यक्रम हे भारतीय जनता पक्षाचे उद्दिष्ट प्राप्तीकडे वाटचाल करत असल्याची जाणीव नागरी प्रतिसादामुळे मिळत आहे. केंद्रीय उच्च तंत्र शिक्षण मंत्री चंद्रकांतदादा पाटील सर्वच उमेदवार हे जनसेवेमध्ये अविरत कार्य करणारे दिल्याने प्रचाराची रंगत वाढत असून भारतीय जनता पक्षाला या प्रभागात दिलासादायक निकाली येण्याची आशा वाटत आहे.
तरुणांमधील लोकप्रिय युवा चेहरा म्हणून राजगड, भोर, मुळशीचा सुपुत्र अभिजित भागवत राऊत, अनुभवी युवा कार्यकर्ता अजय मारणे, भाजपाचे प्रतिष्ठित, निष्ठावान आणि चंद्रकांतदादा पाटील यांचे निष्ठित डॉ. संदीप बुटाला यांच्या धर्मपत्नी मनीषा बुटाला, केंद्रीय राज्यमंत्री मुरलीधर मोहोळ यांचा सच्चा कार्यकर्ता नितीन शिंदे यांची पत्नी शर्मिला शिंदे यांची पॅनलमध्ये निवड करून कामाचा माणूस चंद्रकांतदादा यांनी प्रभागात सुरुवातीलाच भारतीय जनता पक्षाची बाजू उजवी बनवली. केंद्रीय राज्यमंत्री मुरलीधर मोहोळ आणि उच्चतंत्र शिक्षण मंत्री चंद्रकांतदादा पाटील यांचे या प्रभागातील प्रचार यंत्रणेवर बारीक लक्ष असून कष्टाचे चीज व्हावे या उदात्त हेतूने संपूर्ण कोथरूड विधानसभा मतदारसंघाची यंत्रणा या प्रभागांमध्ये सक्रिय झाली आहे. भारतीय जनता पक्षाचे ‘परफेक्ट नियोजन आणि करेक्ट कार्यक्रम’ हे उद्दिष्ट ठरल्याने प्रभागातील वारं फिरलय! कोणताही गाजावाजा न करता भारतीय जनता पक्षाच्या वतीने फक्त आणि फक्त विजयाची गणिते जुळवण्याची रणनीती यशस्वी झाल्याची जाणीव प्रचारातील प्रतिसादातून होत आहे.
