महाराष्ट्राचे आराध्य दैवत श्री छत्रपती शिवाजी महाराज यांच्या विचारांची प्रेरणा संसदरत्न खासदार सुप्रियाताई सुळे आणि महाराष्ट्राचे लाडके उपमुख्यमंत्री अजितदादा पवार यांच्या भक्कम साथीच्या जोरावर घेऊन राजमुद्रा प्रतिष्ठानची कडवट ‘शिवकन्या’ मनिषाताई विरेश शितोळे प्रभाग क्रमांक 30 (क) गटातून नाते जनसेवेचे कायम राखत परिसरातील नागरिकांच्या विकासाचे लक्ष्य गाठण्यासाठी ‘तुतारी’ निशाणी घेऊन पुणे महापालिकेच्या निवडणूक मैदानात उभी राहिली आहे. कर्वेनगर प्रभागातील एका विशिष्ट धाटणीच्या घराशी संगनमत करत प्रखर उजव्या विचारसरणीचे विद्रोही वादळ राज्यसत्ता मिळवण्यासाठी प्रभागात सक्रिय झालेले असताना जन रक्षणार्थ छत्रपती शिवाजी महाराजांची ही शिवकन्या शांती प्रगती आणि गती या पुरोगामी विचाराची ढाल घेऊन प्रभागाच्या शांततेसाठी पुणे महापालिकेच्या निवडणुकीमध्ये प्रभाग क्रमांक 30 क मधून ‘तुतारी’ला पसंती देण्याचे आव्हान करत आहे.
भारतरत्न महर्षी धोंडो केशव कर्वे यांच्या पदस्पर्शाने पावन झालेल्या कर्वेनगरच्या पावन भूमीमध्ये संपूर्ण महाराष्ट्रातील माय माऊली(शिक्षणासाठी आलेल्या मुली) आनंदाने राहत असताना सामाजिक सलोखा राखणे ही काळाची गरज ओळखून मनीषाताई शितोळे यांच्या हळव्या मनाने अमन आणि शांती प्रस्थापित करण्यासाठी वाटचाल करण्याचा निर्णय घेतला आहे. छत्रपती शिवाजी महाराजांची ही शिवकन्या परिसराची शांतता आणि सुराज्य टिकाव या एकाच भावनेने या प्रखर विचारसरणीचा पुरस्कार करणाऱ्या प्रवृत्तीचा नायनाट करण्यासाठी सक्रिय झाली. या शिवकन्येने मध्यरात्रीच संसदरत्न खासदार सुप्रियाताई सुळे आणि लाडके उपमुख्यमंत्री आणि लाडक्या बहिणींचे तारणहार अजितदादा पवार यांचे घर गाठले आणि कर्वेनगरमध्ये दिवसेंदिवस बदलत चाललेल्या परिस्थितीचं गांभीर्य समजावून सांगताच या शांतता प्रिय नेतृत्वाने मैत्रीपूर्ण लढतीत या शिवकन्येच्या हाती ‘तुतारी’ देऊन माता-भगिनीच्या रक्षणासाठी शुभेच्छा दिल्या आहेत.
प्रभाग क्रमांक 30 कर्वेनगर हिंगणी होम कॉलनी परिसरातील उच्चभ्रू लोकांप्रमाणेच परिसरातील जीवाभावाच्या बांधवांकडूनही मनीषाताई शितोळे यांच्या या अनोख्या भूमिकेचे स्वागत केले आहे. परिसरातील श्रीमान सोसायटी, कर्वेनगर गल्ली नंबर 1 ते 10, मावळे आळी, वनदेवी टेकडी परिसर, कर्वेनगर गावठाण, आकाशनगर, कॅनल रोड परिसर, शाहू कॉलनी, काकडी सिटी, न्यू कोपरे पुनर्वसन, भालेकर वस्ती, दुधाने नगर, भारत कॉलनी, राजाराम पूल परिसर, हिंगणे होम कॉलनी भागात पोकळ उग्रता रोखा विकासाची दारे ठोका! सुप्त लाट सुरू झाली आहे. राष्ट्रवादी काँग्रेस पक्षाच्या अधिकृत उमेदवार शिवकन्या मनिषाताई विरेश शितोळे यांच्यासाठी जनसमुदाय एकवटू लागला आहे.
कर्वेनगर 12 वर्षापासून विविध समाजातील सर्व स्थरात नागरीकांना विविध लोकोपयोगी उपक्रमातून राजमुद्रा प्रतिष्ठानच्या मार्फत सामाजिक लोकाभिमुख कार्य करणाऱ्या वीरेश शितोळे यांची ‘धर्मपत्नी’ यासाठी पुढे सरसावल्याने मतदारांचा वाढता प्रतिसाद प्रचारामध्ये वेगळाच उत्साह निर्माण करत आहे. ‘उतु नका मातु नका, घेतला वसा टाकु नका’ या तत्वाने नेहमी नम्रतेची, प्रेमाची व आपुलकीची भावना जपत वीरेश शितोळे मित्र परिवाराच्या वतीने यांनी केलेले कार्य या प्रचाराच्या दरम्यान मदतीस येत आहे. जिथे अन्याय तिथे हा सच्चा कार्यकर्ता म्हणून जनहितार्थ तुटून पडताना आजपर्यंत नागरिकांनी पाहिले आहे. 12 वर्ष केलेल्या कामाच्या भरोश्यावर घरोघरी मत देण्याचे आव्हान करत त्यांच्या प्रचाराचा शुभारंभ झाला आहे. वचन सामाजिक बांधिलकीचे… राजकारणाच्या पलिकडचे” या भूमिकेतून सुरू झालेला प्रचार जन- माणसात चर्चेचा विषय बनला आहे.
प्रभाग 30 : सुराज्याच्या नियोजित विकास योजना:-
- नागरिकांच्या सुरक्षिततेसाठी सी.सी.टी.व्ही. कॅमेरे बसवणार.
- पुनर्विकासाच्या धरतीवर झोपडपट्टीचा स्वयंपुनर्विकास करणार.
- सोसायट्यांमध्ये महानगरपालिकेच्या माध्यमातून सुशोभीकरण करणार.
- ज्येष्ठ नागरिकांसाठी विरंगुळा केंद्र उभे करणार.
- स्त्री व पुरुषांसाठी शौचालय बांधणार.
- यू.पी.एस.सी., एम.पी.एस.सी. विद्यार्थ्यांसाठी पूर्ण वेळ अभ्यासिका बांधणार.
- खेळाच्या मैदानांचे सुशोभीकरण करणार व खेळाडूंना प्रोत्साहन देणार.
- महिला व मुलींसाठी निर्भया केंद्र सुरु करणार.
- बालकांसाठी पाळणाघराची उभारणी करणार.
- व्यसनमुक्ती केंद्र सुरू करणार.
- ज्येष्ठ नागरिकांसाठी दरमहा जीवनावश्यक वस्तूचे किट वाटप करणार.
- सार्वजनिक ठिकाणी स्वच्छता अभियान राबविले जातील.
- वाहतूक, पाणी, वीज, कचरा समस्या सोडवण्यासाठी सतत प्रयन्न केला जाईल.
- नागरिकांसाठी कौटुंबिक सल्ला केंद्र उभारले जाईल.
- शाळा महाविद्यालय या ठिकाणी मुला मुलींच्या सुरक्षेसाठी मदत केंद्र उभारले जाईल.
- छोट्या व्यवसायिकांचे पुनर्वसन करणार.
- धार्मिक स्थळांचे नूतनीकरण व सुशोभीकरण करणार.
- मुला मुलींसाठी रोजगार मेळावे घेणार.
- वृद्धांसाठी मोफत औषधे व उपचार केंद्र सुरू करणार.
- महिला बचत गटांना प्रोत्साहन देऊन स्वतःचा व्यवसाय सुरु करण्यासाठी महिलांना सहकार्य करणार.
- मुला-मुलींसाठी अभ्यासिका व व्यवसाय प्रशिक्षण सुरु करणार.
