पुणे महापालिका सार्वत्रिक निवडणूक 2026 च्या निमित्ताने स्व:हितार्थ दारोदारी भटकणाऱ्या झुंडीकडून भारतीय जनता पक्षाला बदनाम करण्याचे काम केले जात असताना भारतीय जनता पार्टी पार्टीचे प्रभाग क्रमांक ०९ बाणेर – बालेवाडी – पाषाण – सुतारवाडी – सोमेश्वरवाडी – सुस – म्हाळुंगे एकवटले आहेत. मीच निष्ठावान मीच निष्ठावान असं रात्रंदिवस जनमत कुलूषित करणाऱ्या झुंडीला रोखण्यासाठी परिसरातील निष्ठावानांनी तुमची आमची भाजपा सर्वांची! अशी उद्घाटना करून उदक घोषणा करून प्रचारात रंग चढवला असतानाच राज्य पातळीवरील वरिष्ठ नेत्यांच्या मार्फत या जिक्रीच्या लढाईमध्ये कार्यकर्त्यांना ताकद देण्याचे काम केले जात आहे.
प्रभाग नऊ मधील सात गावांच्या भव्य दिव्य प्रतिसादामुळे भारतीय जनता पक्षाच्या प्रचाराला रंगत चढत असताना हेतूतहा पराभव समोर दिसत असल्याने विरोधकांकडून वरिष्ठ पातळीवरील नेत्यांना लक्ष करण्याचे काम केले जात आहे. भारतीय जनता पक्षाच्या जातीवंत कार्यकर्त्यांना यामुळे अतिव दुःख झाल्याने सर्व स्तरातील कार्यकर्ता दुप्पट ताकतीने या दृष्ट प्रवृत्तीचा नायनाट करण्यासाठी पछाडलेला आहे. पुणे महापालिकेच्या हद्दीमध्ये नव्याने समाविष्ट झालेल्या सुस आणि महाळुंगे गावांप्रमाणेच पूर्वीपासून पुणे महापालिकेत असलेल्या सुतारवाडी पाषाण बाणेर बालेवाडी व औंध भागातील घराघरांमध्ये भारतीय जनता पक्षाची विकासाची धोरणे पोचली आहेत.
भारतीय जनता पक्षाच्या वतीने कायमच विनम्र अभ्यासू आणि विनीत नेतृत्वाला ताकद देण्याचे काम केले जाते. देशाची लोकशाही मोठ्या घरामध्ये किंवा झुंडीच्या ताब्यात न ठेवता सर्वसामान्य लोकांकडे ठेवल्यास तळागाळातील जनतेला हक्काचा आधार मिळतो ही भारतीय जनता पक्षाच्या धारणा लक्षात घेऊन प्रभाग नऊ मधील उमेदवारांची घोषणा करण्यात आलेली आहे. भारतीय जनता पक्षाने प्रभाग नऊ बाणेर पाषाण सुस महाळुंगे या प्रभागासाठी अधिकृत उमेदवार म्हणून अ गट रोहिणी सुधीर चिमटे, ब गट गणेश कळमकर, क गट मयुरी कोकाटे, आणि ड गटातून लहु गजानन बालवडकर यांना संधी देण्यात आली आहे. माजी नगरसेवकांकडून माझ्यावर अन्याय असा रात्रंदिवस आरोप करण्याचा धडाका लावलेला असतानाच भारतीय जनता पक्षाच्या प्रचार रॅलीमध्ये मात्र 25-30 वर्षापासून भारतीय जनता पक्षाचे काम करणारे पदाधिकारी सक्रियपणे जबाबदारी पार पाडत आहेत.
बाणेर बालेवाडी पाषाण सुतारवाडी परिसरामध्ये भारतीय जनता पक्ष घराघरात पोहोचलेला आहे उच्चतंत्र शिक्षण मंत्री चंद्रकांत दादा पाटील व केंद्रीय राज्यमंत्री मुरलीधर अण्णा मोहोळ यांच्यावतीने असलेल्या संपर्कातून मतदारांना भारतीय जनता पक्षाविषयी जिव्हाळा आहे. सर्व स्तरातून मतदार भारतीय जनता पक्षाला मतदान करत असताना स्थानिक पातळीवर मात्र आवक्या बाहेर उड्या मारण्याच्या मनीषेतून प्रत्यक्ष कामाकडे दुर्लक्ष केले जात असल्याची जाणीव नेतृत्वाला झाली. झुंडीच्या ताकदीवर पक्षाला झुलवण्याचा प्रकार विधानसभा निवडणुकीच्या दरम्यान झाल्यानंतर पक्षाने सावध पावले उचलत सर्वसामान्य कुटुंबातील कार्यकर्ता सक्षम करण्याचे धोरण आखत सर्वसमावेशक पॅनलची निर्मिती केली आहे
