पुणे शहरातील सर्वाधिक मजबूत बांधणी आणि सर्वाधिक बाहुबली नगरसेवकांचा पक्षप्रवेश असा अतोनात प्रयत्न करूनही नातेगोते आणि समर्थक यामध्ये उमेदवारी देण्यामध्ये हेतूचा घेतलेल्या कलामुळे आज पुणे शहरातील भारतीय जनता पक्षाचा विजय कात्रजच्या घाटात जाऊन पोहोचला आहे. धुरंदर राजकारणी म्हणून ओळख असलेल्या उपमुख्यमंत्री अजित दादा पवार यांनी पुणे शहराची गणिते चाणक्य पणे ओळखली आणि भारतीय जनता पक्षाच्या हालचालीनंतर आपली रणनीती आखण्यास सुरुवात केली आणि भारतीय जनता पक्षाचा ‘विजय रथ’ रोखण्याचा करेक्ट कार्यक्रम केला आहे. भारतीय जनता पक्षाचे प्राबल्य असलेल्या पेठ भागांमध्ये कोणतेही लक्ष न देता समाविष्ट भागामध्ये आपली ताकद वाढवण्याकडे अजितदादा पवार यांनी महत्व दिल्याने आज भारतीय जनता पक्षाची विजयाची ‘घोडदौड’ कात्रज च्या घाटात जाऊन पोचली आहे. आपला लाडका कार्यकर्ता अडचणीत असताना ‘देवेंद्र’ पुण्यनगरीमध्ये अवतरले असून कात्रज च्या घाटात पोचलेला विजयश्री आपल्याकडे खेचणार का? ती आजच्या सभेची उत्सुकता असून देवेंद्र फडणवीस कालच अजित पवार यांनी केलेल्या आरोपांना कसे उत्तर देतात यावरती पुणे शहरातील राजकारणाची गणिते अवलंबून आहेत.
केंद्रीय आणि राज्यस्तरावरती भारतीय जनता पक्षाची उल्लेखनीय कामगिरी असताना सुद्धा पुणे शहरातील भारतीय जनता पक्षाचा विजय राष्ट्रवादींच्या काट्यामध्ये अडकला आहे. मुळात राष्ट्रवादी पक्षातील काही पदाधिकाऱ्यांना भाजपवाशी करून अजित पवार यांच्या अस्मितेला धक्का देण्याचा प्रयत्न भारतीय जनता पक्षाच्या वतीने करण्यात आला. मुरब्बी राजकारणी आणि अनुभवी नेते अशी ओळख असणाऱ्या अजितदादा पवार यांनी याकडे दुर्लक्ष करत भारतीय जनता पक्षाची रणनीती ओळखली. हाती असलेल्या सर्वेचा फायदा घेत फक्त आणि फक्त भारतीय जनता पक्ष कोणती पावले टाकतोय याकडेच लक्ष देऊन संपूर्ण पुणे शहर आणि पिंपरी चिंचवड परिसराची आखणी केल्याने आज दोन्ही शहरांमध्ये भारतीय जनता पक्षाची दमछाक होत आहे. स्थानिक लोकप्रतिनिधींनी आपल्या नातेगोते आणि हितसंबंधाला महत्व देत उमेदवारी वाटप केल्यामुळे अडचणीत आलेली भाजपा सावरण्यासाठी दस्तुरखुद्द देवेंद्र मैदानात उतरले असून मुरली स्वराने बिघडलेली गणिते आणि विजयश्री कात्रज च्या घाटात गेलेला असताना देव भाऊ कोणती किमया करतात यावरती भारतीय जनता पक्षाचे भवितव्य अवलंबून आहे.
कात्रजच्या चौकामध्ये आयोजित करण्यात या आलेल्या या सभेमध्ये प्रभाग क्रमांक 36 : सहकार नगर पद्मावती प्रभाग 37: धनकवडी-कात्रज डेअरी प्रभाग 38: बालाजीनगर-आंबेगाव-कात्रज प्रभाग 39: अप्पर सुपर-इंदिरानगर या भागात भारतीय जनता पक्षाची बिघडलेली गणिते जुळवण्यासाठी देवा भाऊ यांनी कात्रजच्या घाटातून विजयाचा एल्गार पुकारला आहे. पुणे शहरातील चांडाळ चौकटीने केलेल्या करामती झाकण्यासाठी देवेंद्र फडणवीस जाहीरपणे मैदानात उतरले असले तरी सुद्धा मुळात उमेदवारी देताना अजित पवार यांनी भारतीय जनता पक्षाचा या भागामध्ये करेक्ट कार्यक्रम केला असून तगडी फौज सोबतीला असल्याने भारतीय जनता पक्षाचे वर्चस्व अबाधित राखण्यासाठी आता एकमेव देवा भाऊ हेच पर्याय राहिले आहेत.
महाराष्ट्र राज्याचे उपमुख्यमंत्री देवाभाऊ यांनी आयोजित केलेल्या सभेमध्ये प्रभावित होणाऱ्या प्रभागांची सविस्तर….
प्रभाग 36: सहकारनगर-पद्मावती
या प्रभागामध्ये भाजप पक्षामार्फत सर्वे च्या नावाने आपल्या हितसंबंधांना सोयीस्कर अशी वीणा घोष शैलजा भोसले, सई थोपटे, महेश वाबळे तगडी उमेदवारी घोषित केली असली तरी सुद्धा अजित दादांचा खास माणूस आणि शहराच्या राजकारणामध्ये प्रभावी असलेले राष्ट्रवादी काँग्रेस पक्षाचे शहराध्यक्ष सुभाष जगताप यांनी भारतीय जनता पक्षाचा करेक्ट कार्यक्रम करण्यासाठी दोन वेळा विधानसभा लढलेल्या अश्विनी कदम यांना सोबत घेऊन नीलिमा गांधी, सुशांत ढमढेरे यांच्या मदतीने करेक्ट कार्यक्रम केला आहे. त्यातच भारतीय जनता पक्षामध्ये प्रवेश करण्यासाठी राज्यमंत्री माधुरीताई मिसाळ यांनी प्रखर विरोध केल्यानंतर विजयासाठी शिवसेना (शिंदे गट) आपलेसा केलेल्या आबा बागुल त्यांचे आव्हानही भारतीय जनता पक्षाच्या पुढे उभे आहे. त्यातच शिंदे गटामार्फत आबा बागुल यांनी नयना लगस, पूनम परदेशी, मच्छिंद्र ढवळे यांचा प्रादेशिक राजकीय समीकरणाचा विचार करून योग्य समेळ लावल्याने या प्रभागामध्ये भारतीय जनता पक्षाची घोडदौड अडचणीत आली आहे.
प्रभाग 37: धनकवडी-कात्रज डेअरी
या प्रभागामध्ये आपल्या पसंतीचे उमेदवार देण्यासाठी विजयी चौकार साकारलेले आमदार भीमराव तापकीर अत्यंत आग्रही असताना सुद्धा भारतीय जनता पक्षाच्या वतीने मात्र विजयाची गणिते साकार करणाऱ्या उमेदवारांना संधी देणे ला प्राधान्य देण्यात आले. तरीही विद्यमान आमदार भीमराव तापकीर यांनी आपल्या समर्थक दोन चेहऱ्यांना या प्रभागांमध्ये (राज्यस्तरावरील निर्णयानुसार घरात उमेदवारी नको) संधी देण्याचे काम केले आहे.
पुणे शहर भारतीय जनता पक्षामध्ये सक्रिय असलेल्या माजी नगरसेविका वर्षताई तापकीर यांना भारतीय जनता पक्षाच्या वतीने उमेदवारी दिली आहे त्याबरोबरच परिसरात बाहुबली नगरसेवक म्हणून ओळख असलेल्या बाळाभाऊ धनकवडे यांनाही भाजपवासी करून भारतीय जनता पक्षाने या भागात आपले प्राबल्य निर्माण केले आहे. या दोन तुल्यबळ उमेदवाराच्या जोडीला विद्यमान आमदार भीमराव तापकीर यांनी आपले समर्थक अरुण राजवडे आणि सचिन बदक असे उमेदवार पॅनलमध्ये दिल्यामुळे विरोधकांना या प्रभागामध्ये 50:50 संधी वाटत आहे. विरोधी गटातील माजी आरोग्य मंत्री तानाजी सावंत यांचे ससुपुत्र गिरीराज सावंत यांचे आव्हान भारतीय जनता पक्षासाठी धोक्याची घंटा आहे. यातच बाहुबली आप्पा परांडे यांच्या घरात (श्रद्धा परांडे) उमेदवारी देऊन भाजपला तगडे आव्हान निर्माण केले आहे त्यातच त्यांच्या साथीला कैलास भोसले, विजय क्षीरसागर ही नावे जुळली जात असल्याने भारतीय जनता पक्षाचा विजय या भागात अडचणीचा बनला आहे.
प्रभाग 38: बालाजीनगर-आंबेगाव-कात्रज
पुणे महापालिकेच्या निवडणुकीमध्ये पाच प्रभाग पद्धतीचा भाग म्हणून बालाजी नगर आंबेगाव कात्रज या भागाची ओळख निर्माण झालेली असताना नातेसंबंध आणि हितसंबंध जोपासण्याच्या भूमिकेतून भारतीय जनता पक्षाचा या भागातील संपूर्ण पॅनेलच अडचणीत आलेला असून काठावरची लढत ही भारतीय जनता पक्षाच्या वतीने डोकेदुखी निर्माण झाली आहे. या पंचरंगी लढतीमध्ये अत्यंत चुरशीची आणि अटीतटीची लढत रंगणार असून माजी नगरसेवकांना अजितदादा यांनी खास संदेश देण्यात आल्याने स्मिता कोंढरे, दत्तात्रय धनकवडे, सीमा बेलदरे, सारिका फाटे, प्रकाश कदम यांनी करेक्ट कार्यक्रम आखला आहे. भाजपच्या वतीने अश्विनी चिंधे, संदीप बेलदरे, राणी भोसले, प्रतिभा चोरघे, व्यंकोजी खोपडे यांना संधी दिली असली तरी शिवसेनेच्या दोन्ही गटांमार्फत तुल्यबळ लढती न घडल्याने राष्ट्रवादी काँग्रेस पक्षाच्या वतीने उभे आव्हान निर्माण झाले आहे. त्यातच माजी महापौर दत्ता धनकवडे आणि अनुभवी माजी नगरसेवक प्रकाशभाऊ कदम यांनी भारतीय जनता पक्षाचा करेक्ट कार्यक्रम लावला आहे की काय अशी शंका प्रचारात निर्माण झाली आहे. शिंदे शिवसेनेच्या वतीने वनिता जांभळे, अनिल कोंढरे संध्या बर्गे, प्राजक्ता लिपाने, स्वराज बाबर अशा नवख्या चेहऱ्यांना संधी दिल्याने त्यांचे कमी प्राबल्यही भारतीय जनता पक्षाची मोठी डोकेदुखी ठरली आहे.
शिवसेना उद्धव बाळासाहेब ठाकरे यांचे निवडणूक प्रमुख वसंततात्या मोरे यांनी मोठा गाजावाजा करत पंचरंगी लढतीमध्ये लक्ष वेधण्याचे काम केले असले तरीसुद्धा आजमीतिला संपूर्ण चर्चेच्या बाहेर शिवसेना (ठाकरे गट)-काँग्रेस यांचे पॅनल गेल्यामुळे या पंचरंगी प्रभागामध्ये थेट भारतीय जनता पक्ष आणि राष्ट्रवादी काँग्रेस पार्टी यांची लढत ही भारतीय जनता पक्षाची डोकेदुखी ठरली आहे. अस्मिता रानभरे, सुनील मांगडे, सुवर्णा पायगुडे, कल्पना थोरवे (शिवसेना, ठाकरे गट), वसंत मोरे (शिवसेना, ठाकरे गट) अशी महाविकास आघाडी भक्कम करण्याचा प्रयत्न केला असला तरी सुद्धा मतदारांच्या घरी उतरवण्यात वसंत मोरे यांना आलेले अपयश भारतीय जनता पक्षाचा विजय रथ रोखण्यास राष्ट्रवादीला यश देण्याची शक्यता नाकारता येत नाही.
