कर्वेनगरच्या घराघरांमध्ये राजमुद्रा प्रतिष्ठानमार्फत पोचलेल्या मनिषाताई विरेश शितोळे या ‘शिवकन्ये’ने प्रचारात आघाडी घेतली असून सुमारे 2000 लाडक्या बहिणीच्या साक्षीत सलग दहा तासाची पदयात्रा करून विक्रमी प्रचार पूर्ण केला आहे. वस्ती विभागातील नागरिकांचा वाढता प्रतिसाद लक्षात घेता पुणे महापालिका सार्वत्रिक निवडणुकीच्या प्रभाग ३०(क) होणाऱ्या मैत्रीपूर्ण लढतीची गणिते बदलण्यास सुरुवात झाली आहे ‘प्रत्येक कुटुंबात कुटुंबातील प्रत्येकामध्ये मनिषाताई विरेश शितोळे’ यांच्या नावाची चर्चा सुरू झाली आहे. सुशिक्षित युवा चेहरा अन लाडक्या बहिणींची हक्काची आधार मनिषाताई विरेश शितोळे यांनी प्रचारात सक्रिय होत सर्वाधिक घरांमध्ये पोहोचण्याचा विक्रम केल्याने ‘तुतारी’ची चर्चा सर्वत्र सुरू झाली आहे.
कर्वेनगर च्या इतिहासामध्ये प्रथमच स्वतंत्र विचारसरणी घेऊन एक महिला राजकारणात आपलं भवितव्य आजमावत आहे. विचारांची कल्पकता आणि साथीला असलेल्या शिक्षणाचा फायदा घेत कर्वेनगर च्या सर्वांगीण विकासासाठी बनविण्यात आलेला संकल्प घरोघरी वाटप केला जात आहे. विविध पक्षांच्या वतीने आश्वासने आणि घोषणांचा बडीमार केला जात असताना मनीषाताई शितोळे यांचं …नातं आपुलकीचं आणि स्नेहाचं मतदारांच्या गळी उतरत असून उच्चशिक्षित व तरुणांमध्ये या उमेदवाराविषयी कुतूहल निर्माण झाले आहे. कर्वेनगर प्रभाग 30 मधील हिंगणे होम कॉलनी, मराठवाडा मित्र मंडळ परिसर, मावळे आळी, कर्वेनगर गल्ली नंबर 1 ते 10 राजाराम पुल परिसर, भालेकर वस्ती या सर्व परिसरामध्ये मनीषा ताईंना उत्साही प्रतिसाद मिळत असून प्रचारात असलेल्या २००० लाडक्या बहिणी हे त्यांचे सामर्थ्य जनमत बदलण्यास मदत करत आहे.
कर्वेनगर भागामध्ये एकीकडे प्रभागावर प्राबल्य राखण्यासाठी पक्षांतराचा एक कलमी कार्यक्रम राबवल्यानंतर आरोप प्रत्यारोप आणि आश्वासनांचा पाऊस सर्वत्र पडत असतानाच मनीषा ताई कर्वेनगर परिसरामध्ये ‘सुराज्य’ आणण्याचेच आराखडे बांधत मतदारांची आस्थेवाईकपणे चौकशी करत असल्याने तुतारीबाबत सहानुभूती वाढत आहे. मनिषाताई वीरेश शितोळे होतकरू तरुणीला संसदरत्न खासदार सुप्रियाताई सुळे आणि महाराष्ट्राचे लाडके उपमुख्यमंत्री अजितदादा पवार साक्षीने कर्वेनगरचा सर्वांगीण विकास साध्य करायचा आहे. प्रभाग क्रमांक (30 क) अधिकृत ‘तुतारी’ चिन्हाचे बटन दाबण्याचे आवाहन करत घरोघरी पदयात्रा अहवाल वाटप अशी प्रचार यंत्रणा सुरू आहे.
