महाराष्ट्राचे आराध्य दैवत श्री छत्रपती शिवाजी महाराज यांच्या विचारांची प्रेरणा घेऊन हिंदुहृदयसम्राट बाळासाहेब ठाकरे यांचा कडवट ‘शिवसैनिक’ श्री. जयदीप पडवळ प्रभाग क्रमांक ११ (ड) गटातून नाते जनसेवेचे कायम राखत परिसरातील नागरिकांच्या विकासाचे लक्ष्य गाठण्यासाठी ‘शिट्टी’ निशाणी घेऊन अपक्ष मैदानात उभा राहिला आहे. देशातील सर्वाधिक मोठ्या पक्षाने केंद्र राज्यातील सत्ता हाती असतानाही या प्रभागातील हितसंबंध जोपासण्यासाठी माना झुकवल्याने एकतर्फी झालेल्या लढतीमध्ये जयदीप पडवळ यांची शिट्टी वाजल्याने प्रभागातील गणिते बिघडली असून सर्वसामान्य नागरिकांसाठी एक चांगला पर्याय निर्माण झाला आहे.
प्रभाग क्रमांक 11 रामबाग कॉलनी परिसरातील उच्चभ्रू लोकांप्रमाणेच मुळशी तालुक्यातील जीवाभावाच्या बांधवांकडूनही जयदीप पडवळ यांच्या या अनोख्या भूमिकेचे स्वागत केले जात आहे. परिसरातील जयभवानीनगर, किष्कींधानगर, सुतारदरा, एआरआय टेकडी, राऊतवाडी, हनुमाननगर, केळेवाडी, रामबाग कॉलनी, एम.आय.टी. कॉलेज रोड, लिला पार्क – सुनिता पार्क, पेठकर साम्राज्य, म्हातोबानगर, स्नेह पेराडाईज, जीवनछाया सोसा, एल आय सी कॉलनी भागातुन अपक्ष उमेदवार जयदीप प्रबती पडवळ यांच्यासाठी जनसमुदाय एकवटू लागला आहे. कोथरूड भागात २६ वर्षापासून विविध समाजातील सर्व स्थरातील नागरीकांना विविध लोकोपयोगी उपक्रमातून नागरीकांना सामाजिक लोकाभिमुख मदत तसेच सहकार्य असल्याने जनमानसात एक वेगळी भूमिका निर्माण झाल्याचा या प्रचारामध्ये फायदा होत आहे.
‘उतु नका मातु नका, घेतला वसा टाकु नका’ या तत्वाने नेहमी नम्रतेची, प्रेमाची व आपुलकीची भावना जपुन जयदीप पडवळ यांनी केलेले कार्य या प्रचाराच्या दरम्यान मदतीस येत आहे. जिथे अन्याय तिथे सच्चा कार्यकर्ता म्हणून जनहितार्थ तुटून पडताना आजपर्यंत नागरिकांनी जयदीप पडवळ यांना पाहिले आहे. 26 वर्ष केलेल्या कामाच्या भरोशावर घरोघरी मत देण्याचे आव्हान करत त्यांच्या प्रचाराचा शुभारंभ झाला आहे. वचन सामाजिक बांधिलकीचे… राजकारणाच्या पलिकडचे” या भूमिकेतून सुरू झालेला प्रचार जनमाणसात चर्चेचा विषय बनला आहे.
प्रभाग ११: नियोजित विकास योजना:-
- नागरिकांच्या सुरक्षिततेसाठी सी.सी.टी.व्ही. कॅमेरे बसवणार.
- याच धरतीवर येणाऱ्या झोपडपट्टीचा स्वयंपुनर्विकास करणार.
- सोसायट्यांमध्ये महानगरपालिकेच्या माध्यमातून सुशोभीकरण करणार.
- ज्येष्ठ नागरिकांसाठी विरंगुळा केंद्र उभे करणार.
- स्त्री व पुरुषांसाठी शौचालय बांधणार.
- यू.पी.एस.सी., एम.पी.एस.सी. विद्यार्थ्यांसाठी पूर्ण वेळ अभ्यासिका बांधणार.
- खेळाच्या मैदानांचे सुशोभीकरण करणार व खेळाडूंना प्रोत्साहन देणार.
- महिला व मुलींसाठी निर्भया केंद्र सुरु करणार.
- बालकांसाठी पाळणाघराची उभारणी करणार.
- व्यसनमुक्ती केंद्र सुरू करणार.
- ज्येष्ठ नागरिकांसाठी दरमहा जीवनावश्यक वस्तूचे किट वाटप करणार.
- सार्वजनिक ठिकाणी स्वच्छता अभियान राबविले जातील.
- वाहतूक, पाणी, वीज, कचरा समस्या सोडवण्यासाठी सतत प्रयन्न केला जाईल.
- नागरिकांसाठी कौटुंबिक सल्ला केंद्र उभारले जाईल.
- शाळा महाविद्यालय या ठिकाणी मुला मुलींच्या सुरक्षेसाठी मदत केंद्र उभारले जाईल.
- छोट्या व्यवसायिकांचे पुनर्वसन करणार.
- धार्मिक स्थळांचे नूतनीकरण व सुशोभीकरण करणार.
- मुला मुलींसाठी रोजगार मेळावे घेणार.
- वृद्धांसाठी मोफत औषधे व उपचार केंद्र सुरू करणार.
- महिला बचत गटांना प्रोत्साहन देऊन स्वतःचा व्यवसाय सुरु करण्यासाठी महिलांना सहकार्य करणार. मुला-मुलींसाठी अभ्यासिका व व्यवसाय प्रशिक्षण सुरु करणार.
