पश्चिमद्वारावरील भाजपाचा बालेकिल्ला उमेदवारीच्या गटबाजीमुळे पणाला; या प्रभागात अजितदादा बाहुबली स्थितीतच!

भारतीय जनता पक्षाच्या वतीने कोथरूड विधानसभा ‘बालेकिल्ला’ असल्याचे अभिमानाने सांगितले जात असले तरी उमेदवारी देताना चुकलेली गणिते आणि विरोधकांची तुल्यबळ झालेली पॅनेल यामुळे भारतीय जनता पक्षाने आपला हक्काचा बालेकिल्लाच पणाला लावला आहे की काय अशी शंका निर्माण होत आहे. पुण्यासह अन्य राज्यातील महापालिकांच्या निवडणुका एकत्र झाल्यामुळे मिळालेल्या संधीचा फायदा समर्थकांसाठीच! अशी अजब भूमिका मुख्य चेहऱ्याने घेतल्यामुळे हक्काचे असलेल्या प्रभागांमध्ये सुद्धा नगरसेवक विजय करण्यासाठी कस लागण्याची शक्यता न करता येत नाही. पुणे महापालिका निवडणूकीच्या निमित्ताने या भागांमध्ये असलेल्या प्रभाग क्रमांक 9, 10, 11, 29 31 आणि 32 या सलग सहाही प्रभागात तुलबळ लढती होणार असून भारतीय जनता पक्षाच्या नगरसेवकांसाठी कसोटीचा काळ असणार आहे. पुणे शहरात सर्वाधिक पक्की बांधणी (सर्व सेलचे पदाधिकारी, यादी प्रमुख, सर्वाधिक पदाधिकारी) केली तरीही स्थानिक पातळीवर फक्त दोन कार्यकारणीतील सदस्यांना संधी देणे शक्य झाल्याने संपूर्ण फळी नाराज असतानाच विरोधकांकडे तुल्यबळ चेहरे एकवटल्याने कोथरूड विधानसभा मतदारसंघातील लढती रंजक स्थितीत पोहोचल्या आहेत.

कोथरूड विधानसभा मतदारसंघांमध्ये प्रामुख्याने असलेल्या ६ (३ पूर्ण अन् 3 अंशत:) प्रभागातील प्राबल्य कायम ठेवण्यासाठी धक्कादायक घडामोडी आणि बदललेले चेहरे ही खरी भारतीय जनता पक्षाची अडचण आहे. लोकसभा आणि विधानसभा निवडणुका विक्रमी बहुमतांनी यश मिळाले असले तरी उमेदवारी देताना झालेल्या चुकांमुळे या मतदारसंघात विरोधकांना प्रचंड मोठी संधी निर्माण झाली आहे. कोथरूड विधानसभा मतदारसंघातील या सर्व परिस्थितीचा सविस्तर आढावा-

प्रभाग क्रमांक ९ : सुस बाणेर पाषाण

पुणे शहरात सर्वाधिक चर्चेत राहिलेला प्रभाग म्हणून या प्रभागाची ओळख निर्माण झाली आहे. विद्यमान दोन नगरसेवकांना घरचा रस्ता दाखवत भारतीय जनता पक्षाने या भागांमध्ये समर्थक दोन चेहऱ्यांना संधी देण्याचा प्रयोग केला आहे. भारतीय जनता पक्षाचे चार विजयी उमेदवार असताना पराभूत झालेला एक आणि आयात एक असे बदल केल्यामुळे दोन चेहऱ्यांना (अमोल बालवडकर, स्वप्नाली प्रल्हाद सायकर) घरचा रस्ता दाखवण्यात आला आहे.

माजी नगरसेवकांपैकी अमोल बालवडकर यांनी पक्षाच्या विरोधात दंड थोपटले असून पक्षांतराचा निर्णय घेतल्याने बाबुराव चांदेरे आणि अमोल बालवडकर हे स्थानिक बाहुबली चेहरे एकत्र अजित दादा पवार यांच्यासाठी नामी संधी ठरत आहेत. भारतीय जनता पक्षाने लहू बालवडकर, गणेश कळमकर, मयुरी राहुल कोकाटे त्यांच्यासह माजी नगरसेविका रोहिणी चिमटे यांना संधी दिली आहे. राष्ट्रवादी काँग्रेस पक्षाच्या मार्फत बाबुराव चांदेरे, अमोल बालवडकर, पार्वती अजय निम्हण, सागर बालवडकर, गायत्री मोहन मेढे (सुतार) असे लक्षणीय चेहरे मैदानात उतरवले आहेत. या दोन प्रमुख लढती सोबतच काँग्रेस आणि महाराष्ट्र नवनिर्माण सेना आणि शिवसेना यांच्या वतीने ही भारतीय जनता पक्षाच्या विरोधात तगडे आव्हान उभे करण्याचे नियोजन केले आहे.

प्रभाग क्रमांक १० बावधन- भुसारी कॉलनी

भारतीय जनता पक्षाला अनपेक्षित पणे संपूर्ण प्रभाग विजय करण्याचा निकाल देणारा प्रभाग म्हणून या प्रभागाची ओळख असली तरी सुद्धा मागील वेळी चुकीच्या उमेदवारांची निवड लक्षात घेऊन यावेळी माजी सभागृहनेते शंकर केमसे यांनी मात्र धुरंदर शिलेदार बरोबर घेत भाजपाला आव्हान देण्याचे नियोजन केले आहे. मूळ पारंपरिक पदाधिकारी सोबतीला असतानाही नव्या चेहऱ्यांना संधी आणि नव्या भागातील राजकीय गणिते यांचा आराखडा जुळवत निर्णयाकी मतांची जुळवणी करण्याचा प्रयत्न केला आहे. भारतीय जनता पक्षाच्या वतीने फार बदल न करता मूळच्या चेहऱ्यांना संधी देत विरोधकांची चाल निष्प्रभ करण्याचा प्रयत्न केला आहे. केंद्रीय राज्यमंत्री मुरलीधर मोहोळ यांचे समर्थक असलेल्या सचिन पवार यांच्या घरात उमेदवारी देत वस्तीतील चेहरा मैदानात उतरवला आहे.

राष्ट्रवादी काँग्रेस पक्षाच्या वतीने या प्रभागात बावधन बुद्रुक (नव्याने समाविष्ट झालेल्या) गावातीलच दोन नवे चेहरे मैदानात उतरवून राजकीय गणिते जुळवण्याचा प्रयत्न केला आहे. भारतीय जनता पक्षाकडून माजी नगरसेवक किरण दगडे, दिलीप वेडेपाटील, अल्पना वर्पे, रुपाली सचिन पवार यांना संधी दिली असली तरी सुद्धा पदाधिकाऱ्यांनी नुकतीच घेतलेली ‘बंडखोर आवरा कार्यकर्ते सावरा’ भूमिका प्रचारात अडसर ठरण्याची शक्यता आहे.घेतल आहे. पारंपारिक विरोधक राष्ट्रवादी नेही तगडी लढत नियोजित केली असून यामध्ये दोन माजी नगरसेवक माजी सभागृहनेते बंडूशेठ केमसे व जयश्री मारणे, सुजाता सूर्यकांत भुंडे, अभिजीत दगडे, अशी पक्की बांधणी केली आहे. याबरोबरच भाजपच्या विरोधात शिवसेना पक्ष मार्फत ही भारतीय जनता पक्षाला नव्या चेहऱ्यांच्या माध्यमातून ‘उभे’ आव्हान तयार केले आहे. महाराष्ट्र नवनिर्माण सेनेच्या वतीने माजी नगरसेवक राजाभाऊ गोरडे, यांच्या जोडीला स्वाती राजेंद्र वेडे, पोर्णिमा नितीन गायकवाड, यांची फळी उभी केली आहे.

प्रभाग १० : बावधन भूसारी कॉलनी

जागा क्रमांक अ-नागरिकांचा मागास प्रवर्ग

1. गोरडे राजेंद्र केशव मनसे

2. दगडे अभिजित राजेंद्र राष्ट्रवादी

3. दगडे किरण दत्तात्रय भाजप

जागा क्रमांक ब सर्वसाधारण (महिला) 

1. करंजावणे आरती विलास (आम आदमी पार्टी)

2. पवार रुपाली सचिन भाजप

3 धनवटे मीनल निलेश  शिवसेना

4 मारणे जयश्री गजानन राष्ट्रवादी

5 वेडेपाटील स्वाती राजेंद्र मनसे

जागा क्रमांक क सर्वसाधारण (महिला)

1. गायकवाड पोर्णिमा नितीन मनसे

2. भुंडे सुजाता सुर्यकांत राष्ट्रवादी

3. मारणे सुरेखा किशोर काँग्रेस

4. वरपे अल्पना गणेश भाजपा

5. सोनटक्के मंगल दादाराव शिवसेना

 जागा क्रमांक ड सर्वसाधारण

1 उभे रमेश निवृत्ती शिवसेना

2 केमसे शंकर दत्तात्रय राष्ट्रवादी

3 घारे कृणाल नारायण आम आदमी

4 दुधाळे राहुल गजानन शिवसेना (उबाठा)

5. वेडेपाटील दिलीप तुकाराम भाजप

6. आढळले किरण रामचंद्र

7. इंगळे किरण सुधाकर

8. धनकुडे सचिन दत्तात्रेय

9. म्हस्के महेश दशरथ

10. वाघमारे निलेश शंकर

11. शिंदे चंद्रकांत वामन

प्रभाग क्रमांक: ११ रामबाग कॉलनी शिवतीर्थ नगर

कोथरूड विधानसभा मतदारसंघातील विरोधकांच्या ताब्यात कायम सुखावलेल्या प्रभागातील लढती या केंद्रीय राज्यमंत्री मोहोळ यांच्या हितसंबंध जोपासना धोरणामुळे लढती अगोदरच विरोधकांच्या ताब्यात दिले आहेत का काय अशी शंका निर्माण झाली आहे. कोथरूडचे विद्यमान आमदार चंद्रकांतदादा पाटील यांच्या वतीने हा प्रभाग सर करण्यासाठी गेली तीन-चार वर्षापासून प्रचंड ताकद लावली जात असताना दिलेली उमेदवारी लक्षात घेता भारतीय जनता पक्षाने विरोधकांना सुखी रहा असा संदेश दिला आहे की काय ही शंका निर्माण होत आहे. हे सर्व करत असताना केंद्रीय राज्यमंत्री मुरलीधर मोहोळ व उच्चतंत्र शिक्षण मंत्री चंद्रकांत दादा पाटील यांच्या दोन कट्टर कार्यकर्त्यांच्या घरात मात्र उमेदवारी देण्यात भारतीय जनता पक्षाने यश मानले आहे. या पक्षात विजयी झालेल्या माजी नगरसेविकेच्या पतीची प्रतिष्ठा पणाला लावून भारतीय जनता पक्षाला काय साध्य करायचे आहे हा प्रश्न मात्र अनुत्तरित राहिला. विशेष म्हणजे या प्रभागामध्ये राज्यातील बदललेल्या राजकीय समीकरणांना योग्य सांगड घालण्याचे काम विरोधकांनी(एक जागा मित्रासाठी दान) पक्की आखणी केली आहे.

माजी नगरसेवक दीपक मानकर यांनी संपूर्ण प्रभागातील उमेदवारी जाहीर करताना ड गटातील उमेदवारी मात्र जाहीर केली नाही, तर रामचंद्र(चंदूशेठ) कदम यांनी बालेकिल्ला आणखी सक्षम करण्याचे नियोजन करत दोन महिला (एक निष्ठावान एक आयात) विजय करण्याचा संकल्प जाहीर केला आहे. उर्वरित एक सोयीप्रमाणे उबाठा त्यांच्यासाठी देऊन दुहेरी मैत्रीचं नातं निभवलं आहे. माजी नगरसेविका वैशाली मराठे यांनी हाती शिवधनुष्य हाती घेतलं असलं तरी सुद्धा भाजपाने महायुतीला तीलांजली दिल्याने त्यांच्या नशिबी एक मत मागण्याची वेळ आली आहे.  भारतीय जनता पक्षाच्या वतीने अजय मारणे, मनीषा डॉ. संदीप बुटाला, शर्मिला नितीन शिंदे, यांना भारतीय जनता पक्षाची उमेदवारी देऊन विजयाची गणिते बांधली आहेत. राष्ट्रवादी काँग्रेस पक्षानेही हर्षवर्धन मानकर, तृप्ती निलेश शिंदे, कांता नवनाथ खिलारे यांची उमेदवारी जाहीर करून विजय मिळवण्याचे नियोजन केले आहे. नव्या राजकीय गणितामुळे या भागात प्रभावी असलेली काँग्रेस विजय करण्यासाठी या प्रभागातील दोन नव्या चेहऱ्यांसह विजय साकारण्याचे गणित मांडले आहे. त्याबरोबरच एका निष्ठावान शिवसैनिकाला संधी देत युती धर्म सांभाळला हा सुद्धा मोठा संदेश देण्याचा प्रयत्न केला आहे.

प्रभागः (11) रामबाग कॉलनी – शिवतीर्थनगर

जागा क्रमांक अ नागरिकांचा मागास प्रवर्ग

१ काते संतोष गणपत आम आदमी

2 धनवडे बाळासाहेब मतोहर शिवसेना (उबाठा)

3 मानकर हर्षवर्धन दिपक(राष्ट्रवादी)

4 मारणे अजय नामदेव भाजपा

जागा क्रमांक ब सर्वसाधारण (महिला) 

1. डिंबळे जयश्री संदीप आम आदमी पार्टी

2. डोख दीपाली संतोष काँग्रेस

3. भगत सविता दत्ता शिवसेना

4. शिंदे तृप्ती निलेश राष्ट्रवादी

5. शिंदे शर्मिला नितिन भाजपा

6. कंकाळ शुभांगी बाळासाहेब वंचित आघाडी

7. गायकवाड दिपाली दत्तात्रेय

8. तलाठी अनिता विवेक

जागा क्रमांक क सर्वसाधारण (महिला)

1. खिलारे कांता नवनाथ राष्ट्रवादी

2. चव्हाण वर्षा महादेव आम आदमी पार्टी

3. बुटाला मनीषा संदीप भाजपा

4. मराठे वैशाली राजेंद्र शिवसेना

5. शिंदे स्नेहल गणेश मनसे

6. सोनार नयना शिवाजी काँग्रेस

7. शिर्के पूजा भूषण

जागा क्रमांक ड सर्वसाधारण

1. कदम रामचंद्र आत्माराम काँग्रेस

2. पवार नितीन रामदास शिवसेना

3. भगत अर्चना सागर महाराष्ट्र नवनिर्माण सेना

4.  भांगे दत्तात्रेय बिभीषण आम आदमी

5.  राऊत अभिजीत भागवत भाजपा

6.  कांबळे दीपक पांडुरंग वंचित आघाडी

7.  शेंडगे दत्ता नाना रिपब्लिक सेना

8.  ढमाले शैलेश शिवाजी

9.  पडवळ जयदीप प्रबती

10.  मस्के महेश दशरथ

प्रभाग क्रमांक ३१ मयूर काॅलनी कोथरूड 

कोथरूड विधानसभा मतदारसंघातील अत्यंत प्रतिष्ठित या प्रभागामध्ये भारतीय जनता पक्षाचे वर्चस्व असले तरीसुद्धा ‘तुल्यबळ’ चेहरे हा अभाव मध्यरात्रीतील घडामोडीमुळे कायम राहिला आहे. भारतीय जनता पक्षाने माजी नगरसेविकेचे पती दिनेश माथवड व पृथ्वीराज सुतार असे गावकरी चेहरे यावेळी मैदानात उतरवत असतानाच पक्षासाठी झटणाऱ्या भेलके आणि कुंबरे या दोन गावकऱ्यांना मात्र वाटाण्याच्या अक्षता लावल्याने नाराजीचे प्रमाण अधिक आहे. या दोन नवे चेहऱ्यांच्या सोबतीस वासंती जाधव, ज्योत्स्ना कुलकर्णी (संघ आग्रहास्तव) निष्ठावान कार्यकर्त्यांना संधी दिली आहे.

बदलत्या समीकरणाचा फायदा घेत शिवसेना व मनसेच्या वतीने या प्रभागांमध्ये बाहुबली लढत देण्याचे नियोजन केले आहे. शिवसेना (उबाठा) कडून योगेश मोकाटे, लोणकर प्रज्ञा कौस्तुभ तर मनसेकडून ॲड किशोर शिंदे, सुप्रिया संजय काळे यासारख्या निष्ठावान कार्यकर्त्यांचीच ‘तोडीसतोड’ लढत बनवण्यात आली आहे. राष्ट्रवादीतर्फे राज जाधव, मोहोळ संतोष बाबुराव, शिवसेने तर्फे उदय भेलके, मारणे योगिता रमेश आपले नशीब आजमावत आहेत.

प्रभागः (३१) मयूर कॉलनी कोथरूड

जागा क्रमांक अ नागरिकांचा मागास प्रवर्ग

1. जाधव राज गोविंद राष्ट्रवादी

2. माथवड दिनेश महादेव  भाजपा

3. मोकाटे योगेश श्रीकांत शिवसेना उबाठा

जागा क्रमांक ब सर्वसाधारण (महिला)

1. काळे सुप्रिया संजय महाराष्ट्र नवनिर्माण सेना

2. कुलकर्णी जोत्स्ना जगन्नाथ भाजपा

3. गाडगीळ पल्लवी समीर शिवसेना

जागा क्रमांक क सर्वसाधारण (महिला)

1. जाधव वासंती नवनाथ भाजपा

2. मारणे योगिता रमेश शिवसेना

3. लोणकर प्रज्ञा कौस्तुभ शिवसेना उबाठा

जागा क्रमांक ड सर्वसाधारण 

1. अमोल चंद्रकांत काळे आम आदमी पार्टी

2. भेलके उदय उत्तम शिवसेना

3. मोहोळ संतोष बाबुराव राष्ट्रवादी काँग्रेस पार्टी

4. शिंदे किशोर नानासाहेब महाराष्ट्र नवनिर्माण सेना

5. सुतार पृथ्वीराज शशिकांत भाजपा

6.  धारिया स्वप्नील संजय अपक्ष

प्रभाग क्रमांक २९ डेक्कन जिमखाना हॅपी काॅलनी

भारतीय जनता पक्षासाठी सहज सुलभ प्रभाग अशी ओळख असतानाच दोन प्रभावी आणि जनसंपर्कात असलेल्या चेहऱ्यांनाच गटातटाच्या राजकारणामुळे संधी न मिळाल्याने या प्रभागात भारतीय जनता पक्षाच्या विजयाची गणिते बिघडली आहेत. मुळात सर्वाधिक इच्छुक ही समस्या असतानाच जनसंपर्कातील दोन चेहऱ्यांना फुल्ली हा धक्कादायक निर्णय भारतीय जनता पक्षाच्या पदरी काय पाडतो हा मोठा प्रश्न निर्माण झाला आहे. प्रभाग रचनेमध्ये वाढलेली झोपडपट्टीची संख्या मोठी समस्या निर्माण झाली आहे. मुळात संपूर्ण पॅनलची जबाबदारी घेणारे पुरुषी चेहरेच बदलले असून ‘सदा सर्वकाळ’ नेत्यांच्या मागेपुढे करणाऱ्याची उमेदवारी मात्र कायम राहिल्याने प्रचंड नाराजीचा रोष निर्माण झाला आहे. भाजपा माजी नगरसेवक दिपक पोटे व जयंत भावे यांच्या ऐवजी दोन नव्या चेहऱ्यांना संधी दिली असली तरी सुद्धा प्रत्यक्ष कार्यकारणीतील फक्त एकाच चेहऱ्याला मिळालेली संधी ही धोक्याची घंटा निर्माण झाली आहे.

या प्रभागामध्ये विरोधकांकडे असलेले निवडक चेहरे(व्यक्तिगत संबंधाच्या भरोशावर) बदलत्या प्रभाग रचनेचा फायदा घेत हितसंबंधाच्या जोरावर पक्की बांधणी करत असून चमत्कारही घडवू शकतात. भारतीय जनता पक्षातीलच सर्व परिचित उत्साही आणि आक्रमक चेहरा गौरी करंजकर यांच्या रूपाने विरोधकांना मिळाला असल्याने या प्रभागातील गणिते प्रचंड बदलली असल्याची जाणीव सध्या प्रचारातून जाणवत आहे. विरोधकांनी हा प्रभाग सर करण्यासाठी छुप्या बैठका आणि मतदारांचा संच जमवण्यास केलेली सुरुवात ही भारतीय जनता पक्षाच्या दृष्टीने धोक्याची घटना वाटत आहे. या प्रभागामध्ये  राम बोरकर, वैभव दिघे मूळ शिवसैनिकांनी सक्रिय होत भाजपचा बालेकिल्ला लक्ष केला आहे.

प्रभाग क्रमांक 29 डेक्कन जिमखाना – हॅप्पी कॉलनी 

जागा क्रमांक अ नागरिकांचा मागास प्रवर्ग

1. सुनील पांडे नामदेव भाजप

2. बोरकर राम बबन मनसे

3. राहुल सुरेश लांडे राष्ट्रवादी

4. मोरे नितीन बबन अपक्ष

जागा क्रमांक ब सर्वसाधारण महिला 

1. रेखा संजय चव्हाण आम आदमी पार्टी

2. सुषमा अजित ढोकळे शिवसेना

3. भिलारे वैशाली अनिल राष्ट्रवादी

4. मिताली कुलदीप सावळेकर भाजपा

5. सुर्वे शोभा महादेव अपक्ष

जागा क्रमांक क सर्वसाधारण महिला

1. वंदना विवेक कडू काँग्रेस

2. गौरी करंजकर राष्ट्रवादी

3. मंजुश्रीताई खर्डेकर भाजपा

जागा क्रमांक ड सर्वसाधारण 

1. पुनीत श्रीकांत जोशी भाजपा

2. प्रदीप अर्जुन उदागे आम आदमी पार्टी

3. वैभव मारुती दिघे शिवसेना

4. शुभम अंकुश माताळे राष्ट्रवादी

प्रभाग क्रमांक ३० कर्वेनगर हिंगणे होन कॉलनी

कोथरूड विधानसभा मतदारसंघात या प्रभागात अति प्रचंड तयारी आणि गावकी-भावकीचे राजकारण जुळवत भारतीय जनता पक्षाने दोन नव्या महिला चेहऱ्यांना संधी देण्याचे काम केले आहे. विरोधात विजयी झालेल्या उमेदवारानेही मतदारांना विकासाचे ‘स्वप्न’दाखवत चेहऱ्याबद्दलचा प्रयोग करत मित्र पक्षातील एका शक्तिशाली उमेदवाराला प्रवेश करून निवडणुकीत उतरवण्याचे नियोजन करतानाच तुल्यबळ लढतीची पक्की आखणी केली आहे. भारतीय जनता पक्षाने या भागात विजय मिळवण्यासाठी दोन धक्कादायक नावांना संधी देण्याचे काम केले आहे परंतु तोडीस तोड विरोधकांनीही तसेच साल असल्याने या लढती अत्यंत रंजक स्थितीत आले असून विजय कोण घेणार हे आगामी काळात स्पष्ट होईल. भारतीय जनता पक्षाचे वतीने करण्यात आलेल्या दोन महिला बदलाच्या निर्णयाचा फायदा घेण्यासाठी राष्ट्रवादी काँग्रेस पक्षाच्या वतीने प्लॅन आणि प्लॅन बी अशा दोन रचना करण्यात आले असून  दोन तुल्यबळ अपक्ष महिला (मनीषा शितोळे तेजल दुधाने) या प्रभागाची गणिते बदलण्यास कारणीभूत ठरणार आहेत.

राष्ट्रवादी काँग्रेस पक्षाच्या वतीने स्वप्निल दुधाणे, संगीता संजय बराटे, विजय खळदकर, निवेदिता शैलेश जोशी, अशी पक्की बांधणी करत तोडीस तोड उत्तर देण्याचे नियोजन केले आहे. त्यातच राष्ट्रवादी काँग्रेस पार्टीतूनच माणिक शेठ दुधाने, विरेश शितोळे यांनी केलेले बंड राष्ट्रवादीच्या विचारात अडसर ठरणार की लाभदायिक ठरणार यावर या प्रभागाची गणिते अवलंबून आहेत.

प्रभाग क्रमांक 30 कर्वेनगर हिंगणे होम कॉलनी 

जागा क्रमांक अ नागरिकांचा मागास प्रवर्ग 

1. स्वप्नील देवराम दुधाने राष्ट्रवादी

2. मेंगडे सुशील शिवराम भारतीय जनता पार्टी

3. सुशील रामभाऊ बोबडे आम आदमी पार्टी

4. विनोद मारुती मोहिते शिवसेना

5. चौगुले श्रीकांत रघुनाथ वंचित बहुजन आघाडी

जागा क्रमांक ब सर्वसाधारण महिला

1. रेश्मा संतोष बराटे भाजपा

2.  संगीता संजय बराटे राष्ट्रवादी

3.  सुनीता विष्णू सरगर काँग्रेस

4.  मानसी सोमनाथ गुंड शिवसेना

जागा क्रमांक क सर्वसाधारण महिला

1. शितोळे मनीषा विरेश राष्ट्रवादी

2. तेजश्री महेश पिवळे भारतीय जनता पार्टी

3. दिघे वैशाली जगदीश शिवसेना उबाठा

4. प्रतीक्षा विनोद जावळकर शिवसेना

5. जोशी निवेदिता शैलेश राष्ट्रवादी

6.  दुधाणे तेजल मयूर

जागा क्रमांक ड सर्वसाधारण

1. बराटे राजेश किशन भारतीय जनता पार्टी

2. विजय रामेश्वर खळदकर राष्ट्रवादी

3. विप्र सचिन मुकुंद महाराष्ट्र नवनिर्माण सेना

4. इंगळे चैतन्य प्रभाकर वंचित आघाडी

प्रभाग क्रमांक 32 वारजे पॉप्युलर नगर 

वारजेतील भाजपा कार्यकारणीच्या विरोधात आयात 3 उमेदवार व एक स्थलांतरित उमेदवार अशी पक्की बांधणी ‘वरकरणी’ वाटत असली तरीसुद्धा विरोधकांने मात्र ‘भाजपा विकली’ अशी भूमिका घेत स्थानिकांच्या नाराजींच्या स्वराला स्वाभिमानाचा संदेश देत संपूर्ण वारजे भागातील विजयाची रणनीती आखली आहे. वारजे भागात सध्या राष्ट्रवादी काँग्रेस पार्टी महाराष्ट्र नवनिर्माण सेना अशा दोन्ही पक्षातील कार्यकर्ते पदाधिकारी निवडणुकीच्या तोंडावर गेल्याने आणि भाजपाचे कार्यकर्ते संधी हुकल्याने तप्त आणि उग्र भावनेत असून ‘जनप्रक्षोभ’ करण्याचे नियोजन करत आहे. वारजे माळवाडीचा गड सर करण्यास भाजपने अनपेक्षित चाल खेळत ज्या घरांमध्ये पिढ्यानपिढ्या सत्ता होती त्याच घरातील ३ चेहरे (खुल्या गटातील तीनही जागेसाठी)पुन्हा भाजपाशी केले; वारजे माळवाडीत ज्या कार्यकर्त्यांनी 30 वर्ष राष्ट्रीय स्वयंसेवक संघ व भारतीय जनता पक्षाचे काम केलं त्या ‘हळव्या’ मनांना मीठ चोळल्याची संधी विरोधकांनी गाठत पक्की बांधी केली आहे.

प्रभाग क्रमांक 32 वारजे – पॉप्युलरनगर शिवणे भागात पारंपरिक विरोधक असलेल्या राष्ट्रवादी काँग्रेस पक्षाने मात्र हार न मानता काँग्रेस भाजपा पक्षामध्ये सक्रिय असलेले दोन चेहरे आयात करून येनवेळी भाजपला तगडी लढत देण्याची नियोजन केले. त्यातच महाराष्ट्र नवनिर्माण सेनेच्या वतीने माजी नगरसेविका भाग्यश्री दांगट यांनी पक्षाशी गद्दारी करणाऱ्यांचा करेक्ट कार्यक्रम करण्याचे धोरण आखले आहे. काहीही गणिते करून विजयाचे सोनेरी ‘दिवास्वप्न’ पाहण्याची रणनीती करणाऱ्या संधी साधू लोकांना धडे शिकवण्याचे राज ठाकरे यांचे स्वप्न पूर्ण करण्याचा संकल्प केला आहे. पिढ्यानपिढ्या सत्ता भोगणाऱ्या सर्व उमेदवारांना केंद्रीय राज्यमंत्री मुरलीधर मोहोळ यांनी भाजपवासी केले असले तरी तिघांची स्वतंत्र तयारी आणि तप्त आणि उग्र कार्यकर्त्यांची एकजूट यात विजय कोणाचा याची कसोटी लागणार आहे.

वारजे माळवाडी भाग 30 वर्षांपूर्वी समाविष्ट पुणे महापालिकेत झाली असला तरीही पश्चिमेकडील इतर उपनगरांप्रमाणे(बावधन बाणेर बालेवाडी) विकास शक्य झाला आहे का? विकास आराखड्यातील प्रकल्प, रस्ते आणि सोयी सुविधा ज्यांनी अडवले तेच सत्तेच्या आसऱ्याला अशी स्थिती असल्याने प्रचंड नाराजी, रोष निर्माण झाला आहे. राष्ट्रवादी काँग्रेस पक्ष व महाराष्ट्र नवनिर्माण सेना यांनी या जनरोषाच्या जीवावर ‘करेक्ट कार्यक्रम’ करण्याचे नियोजन केले आहे.  एकीकडे भारतीय जनता पक्ष मोठे मोहरे गळाला लागले म्हणून निश्चित झाली असली तरीही विरोधकांनीही आपला डाव साधत सक्षम चेहरे एकत्र करण्याचे नियोजन केले आहे.

प्रभाग क्रमांक 32 वारजे पॉप्युलर नगर 

जागा क्रमांक अ अनुसूचित जाती महिला 

1. अश्विनी किशोर कांबळे राष्ट्रवादी

2. दिपाली संजय दिवार शिवसेना

3. भोसले हर्षदा शंतनु भाजपा

4. केशर प्रवीण सोनवणे महाराष्ट्र नवनिर्माण सेना

5. कांचन अजय कदम

6. घोडके मोनिका गुणवंत

7. डॉ. स्मिता सोमनाथ पोळ

8. अनिता राजेंद्र शिंगाडे

9. प्रिताबाई विश्वनाथ शिंदे

10. आशाबाई सुधाकर शिरसाट

जागा क्रमांक ब नागरिकांचा मागास प्रवर्ग 

1. गणेश वसंत धुमाळ महाराष्ट्र नवनिर्माण सेना

2. बराटे भारतभूषण शरदचंद्र भाजपा

3. किरण अरविंद बारटक्के राष्ट्रवादी

4. दत्तात्रेय बाबुराव पाकीरे समाजवादी पार्टी

जागा क्रमांक क सर्वसाधारण महिला

1. भाग्यश्री कैलास दांगट महाराष्ट्र नवनिर्माण सेना

2. धुमाळ दिपाली प्रदीप राष्ट्रवादी

3. वांजळे सायली रमेश भारतीय जनता पार्टी

4. ढेणे अर्चना पराग

जागा क्रमांक ड सर्वसाधारण 

1. दोडके सचिन शिवाजी भाजपा

2. सचिन रामचंद्र बराटे राष्ट्रवादी

3. बालशंकर अजय रामा शिवसेना

4. निलेश मनोहर वांजळे आम आदमी पार्टी

5. रियाज मोहित दिन शेख महाराष्ट्र नवनिर्माण सेना

6. विनायक श्रीकृष्ण लांबे समाजवादी पार्टी

7. नवनाथ मारुती नेटके रिपब्लिकन पार्टी