सकल दिगंबर जैन समाज पुणे व पिंपरी-चिंचवड यांच्या वतीने आयोजित, पुणे शहराच्या इतिहासात पहिल्यांदाच २८ दिगंबर जैन मंदिरांना एकत्र आणणारा आगज २०२५ हा भव्य सामूहिक क्षमावाणी व मिलन समारोह कार्यक्रमाचे आयोजन करण्यात आले आहे. हा आध्यात्मिक आणि सांस्कृतिक सोहळा कार्यक्रम रविवार दि. 5 ऑक्टोंबर 2025 रोजी कर्वेनगर येथील महालक्ष्मी लॉन्स येथे संपन्न होणार आहे.
हा अभूतपूर्व कार्यक्रम जैन धर्माचे सर्वोच्च तत्त्व ‘क्षमा’ यावर आधारित असून, २८ दिगंबर जैन मंदिरांचे विश्वस्त कमिटी तसेच हजारो जैन श्रावक-श्राविका आणि समाजातील प्रतिष्ठित व्यक्ती एकाच छताखाली एकत्र येणार आहेत.
“आगाज 2025” या मध्ये दिगंबर जैन मुनि, आचार्य 108 गुप्तीनंदीजी महाराज व गुरुदेव श्री 108 कुंथूसागरजी महाराज यांचे मंगल सानिध्य व आशीर्वाद कार्यक्रमासाठी लाभणार आहेत. तसेच सर्व 28 दिगंबर जैन मंदिरांचे सांस्कृतिक कार्यक्रम सादरीकरण, प्रतिभा संपन्न व्यक्तींचे सत्कार, गुणवंत विद्यार्थ्यांचा गौरव समारंभ आणि दोन्ही महाराजजी यांची दिव्यदेशना व क्षमावाणी संदेश आदि भरगच्च कार्यक्रमांचे आयोजन करण्यात आले आहे.
संध्याकाळी इंडियन आयडॉल फेम शिवम सिंग आणि त्यांच्या ऑर्केस्ट्रा बँडची विशेष भक्ती संगीत संध्या व दांडिया नाईट चे विशेष आकर्षण राहणार आहे. त्याचप्रमाणे दिगंबर जैन समाजातील नागरिकांनी बनवलेल्या वस्तूंचे प्रदर्शन व विक्रीचे स्टॉल देखील येथे उभारण्यात येणार आहेत.
जैन धर्माच्या एकात्मतेचा आणि क्षमाशीलतेचा संदेश देणाऱ्या या ऐतिहासिक सोहळ्यात पुणे आणि पिंपरी-चिंचवड परिसरातील सर्व दिगंबर जैन बांधवांनी सहपरिवार उपस्थित राहावे, असे आवाहन सकल दिगंबर जैन समाज पुणे व पिंपरी-चिंचवड यांनी केले आहे.
