पुणे शहर भारतीय जनता पक्षाचे माजी सहकार आघाडी अध्यक्ष स्वीकृत नगरसेवक सचिन दशरथ दांगट प्रदेश यांची महाराष्ट्र प्रदेश राष्ट्रवादी काँग्रेस पार्टीच्या “सरचिटणीस” पदी नियुक्ती करण्यात आली आहे. भारतीय जनता पक्षामध्ये सहकार आघाडीचा पुणे शहरातील प्रथम अध्यक्ष म्हणून सचिन दांगट यांनी केलेली बांधणी विधानसभा आणि लोकसभा निवडणुकीच्या दरम्यान अत्यंत फायदेशीर असताना पक्षाच्या वतीने निवडणुकीनंतर कोणतेही दखल न घेतल्याने नाराज झालेल्या सचिन दांगट यांनी नुकताच राष्ट्रवादी पक्षामध्ये प्रवेश केला होता.
संघटन कौशल्य करण्यामध्ये पारंगत असलेल्या सचिन दांगट यांना राष्ट्रवादी काँग्रेस पक्षाच्या वतीने महाराष्ट्र प्रदेशावर सरचिटणीस पदी नियुक्त करून त्यांच्या संघटन कौशल्याचा पक्षाच्या वाढीसाठी व पक्षाची ध्येय धोरणे सर्वसामान्यांपर्यंत पोहचविण्यासाठी पक्षाला सहकार्य होईल असा विश्वास प्रदेशाध्यक्ष खासदार सुनील तटकरे यांनी व्यक्त केला आहे.
