पुणे महापालिकेच्या सार्वत्रिक निवडणुकीची रणधुमाळी चालू झाली तेव्हापासून विकासासाठी कायम प्रतीक्षेत असलेल्या प्रभाग क्रमांक ३० कर्वेनगर हिंगणे होम कॉलनी मतदारांसाठी राष्ट्रवादी काँग्रेस पक्षाच्या वतीने ‘परफेक्ट नियोजन करेक्ट कार्यक्रम’ आणि गेली 15 ते 20 वर्ष कायम जनसेवेत असलेल्या उमेदवारांना संधी दिल्याने कायम वेगवेगळे कौल देणाऱ्या मतदारांसाठी विकासाचा एक सक्षम पर्याय म्हणून राष्ट्रवादी काँग्रेस पक्षाचे उमेदवार वाटत असल्याने पसंती वाढत आहे. महाराष्ट्राचे उपमुख्यमंत्री अजित पवार यांनी विरोधी पक्षाच्या रणनीतीचा सूक्ष्म अभ्यास करून एक सक्षम पर्याय मतदारांच्या समोर उभा केल्याने या प्रभागातील लढती तगड्या झाल्या असून प्रचाराचे रंगत आणखी गणिते बदलण्यास मदत करत आहे. प्रभाग 30 मधील अति प्रचंड तयारी करणारी चेहरे आणि गावकी-भावकीचे राजकारण जुळवत राष्ट्रवादी काँग्रेस पक्षाने महापालिकेची ही लढत वेगवेगळ्या टप्प्यावर निघून ठेवली आहे. सत्ताधारी पक्षाचे तीन नगरसेवक असतानाही राष्ट्रवादी काँग्रेस पक्षाच्या एका नगरसेवकांनी उल्लेखनीय आणि लक्षणीय काम करत मतदारांच्या मनामध्ये एक विकासाचे ‘स्वप्न’ निर्माण केले आहे.
कर्वेनगर हिंगणे होम कॉलनी प्रभागात मागील पाच वर्षे नागरिकांना विभिन्न अनुभवांना सामोरे जावे लागले; पक्षातील कुरघोड्यांमुळे छोट्या-छोट्या घडामोडीने काही काळ गावठी भावकीने एकत्र येत ‘परिवर्तन’ लाट निर्माण करण्याचा प्रयत्न केला तरी सुद्धा निवडणुकीचे रणशिंग वाजताच याच पदाधिकाऱ्यांचे वर्तन बदलले आणि परी उडून गेली! स्थानिक पातळीवरील या गणितांचा विचार करूनच राष्ट्रवादी काँग्रेस पक्षाने अविरत जनसेवेतील चेहरे मतदारांच्या पसंतीसाठी निवडल्याने या प्रभागातील लढती नव्या वळणावर पोचल्याचे प्रचारादरम्यान जाणवत आहे. नवे चेहऱ्याचा उदय आणि विकासाचे बिंदू म्हणून राष्ट्रवादी काँग्रेस पक्षाच्या उमेदवारांना मतदारांची पसंती सध्या दिसत आहे. कर्वेनगर मधील संमिश्र भूमिकांमुळे निकाल मात्र धक्कादायक लागणार ही काळया दगडावरची रेघ आहे.
