पुणे महापालिका सार्वत्रिक निवडणुकीमध्ये भारतीय जनता पक्षाच्या वतीने बालेकिल्ला म्हणून प्रभाग 31ची गणना केली जात असली तरी सुद्धा शिवयुती (शिवसेना (उबाठा) व महाराष्ट्र नवनिर्माण सेना)च्या धुरंदर नेतृत्वाने ‘परफेक्ट नियोजन करेक्ट कार्यक्रम’ अशी अनोखी रणनीती आखत परिसरामध्ये परिवर्तनाची लाट सुरू केली आहे. सुरुवातीच्या काळामध्ये एकतर्फी हवेत असलेल्या विरोधकांना या दोन्ही पक्षाच्या निष्ठावान आणि कसलेल्या कार्यकर्त्यांनी चुणूक दाखवताच या प्रभागातील रंगत आणखी वाढले आहे. पुणे महापालिकेच्या निवडणुकीच्या अंतिम टप्प्यामध्ये काही संस्थांच्या सर्वेक्षणानुसार या भागातील परिवर्तनाची लाट विजयाकडे घोडदौड करत असल्याची जाणीव वरिष्ठांना झाली आणि दस्तूर खुद्द राज साहेब ठाकरे यांनी थेट मैदानात उतरत कार्यकर्त्यांचे मनोबल वाजव वाढवण्याचा निर्णय घेतला आहे. महाराष्ट्र नवनिर्माण सेनेचे अध्यक्ष स्वतः प्रचारासाठी बाईक रॅलीच्या माध्यमातून दारोदारी फिरणार असल्याने या भागातील लढतीला वेगळ महत्व निर्माण झाले आहे.
शिवसेनेचा बालेकिल्ला आणि शिवसैनिक यांची भरगच्च बांधणी म्हणून कोथरूड गावठाण आणि परिसर ओळखला जात असतानाच काही घरंदाज लोकांच्या ध्येय धोरणामुळे निष्ठावान कार्यकर्त्यांना बळी पडावे लागले. काहींनी राजकीय संन्यास घेतला तर काहींनी पक्षांतर केली परंतु शिवसेनेची गद्दारी करून पक्षांतर केलेल्या याच लोकांचा करेक्ट कार्यक्रम करण्याची नाणी संदेश शिवसैनिकांना आली आणि शिवसैनिकांनी आज या प्रभागामध्ये अशी स्थिती निर्माण केली आहे की विरोधकांचा जय महाराष्ट्र होण्याची शक्यता नाकारता येत नाही. प्रभाग 31 मधील सत्तेची गणित जुळवण्यासाठी सत्ताधारी पक्षाच्या वतने शिवसेनेच्या एका घरंदाज नेतृत्वाला संधी देत या भागातील शिवसेनेची ताकद कमी करण्याचे नियोजित केले. विरोधकांच्या या धोरणामुळे शिवसैनिक आणि मनसैनिक प्रचंड चिथावला असून माजी आमदार चंद्रकांत मोकाटे व मनसेचे ज्येष्ठ नेते ॲड. किशोर शिंदे यांनी आपल्या धुरंदर रणनीतीचा वापर करून विरोधकांची उमेदवार निवडीची गणिते लक्षात घेऊन रणनीती आखली. प्रादेशिक समतोल आणि निष्ठावान कार्यकर्ता या दोन तत्त्वांवर अ गटातून ॲड.योगेश श्रीकांत मोकाटे, ब गटातून सुप्रिया संजय काळे क गटातून लोणकर प्रज्ञा व ड गटातून ॲड.किशोर शिंदे तत्त्वांवर उमेदवारांची निवड करण्यात आली आहे.
शिवसेना व महाराष्ट्र नवनिर्माण सेना (उबाठा) ‘शिवयुती’चे निष्ठावान कार्यकर्ते सक्रिय झाले असून गद्दारांच्या विरोधात प्रज्वलित मशाल रेल्वे वेगाने प्रभागामध्ये घरोघरी पोहोचवण्यासाठी अहोरात्र प्रयत्न करत आहेत. प्रभाग क्रमांक ३१ मयूर कॉलनी-कोथरूडमध्ये घरोघरी शिवसैनिक आणि मनसैनिकांची असलेली हितसंबंध जिव्हाळ्याचे नातं आणि पिंडाचा सैनिक या त्रिवेणी संगमाच्या जोरावर या भागातील विजयश्री खेचण्यात पक्षाला यश येत असून राज साहेब ठाकरे यांनी या प्रचारामध्ये सक्रिय सहभाग घेण्याचा निर्णय घेतल्याने कार्यक्रम त्यांचा आनंद आणखी द्विगुणीत झाला आहे. शिवसेना महाराष्ट्र नवनिर्माण सेनेचे अधिकृत उमेदवारांना मशाल व रेल्वे इंजिन चिन्हासमोरील बटण दाबून प्रचंड मतांनी विजयी करण्यासाठी शेकडो कार्यकर्ते सक्रिय झाल्याने या भागातील विजयाची गणिते बदलली आहेत.
