पुणे महापालिकेच्या सार्वत्रिक निवडणुकीमध्ये प्रचाराचे रंगत चढत असताना राष्ट्रवादी काँग्रेस पक्षाचे अधिकृत उमेदवार राजमुद्रा प्रतिष्ठानची कडवट ‘शिवकन्या’ मनिषाताई विरेश शितोळे यांची प्रचाराची घौडदौड सुरूच असून परिसरातील लाडक्या बहिणीकडून या तरुणीला उत्साही प्रतिसाद मिळत आहे. कर्वेनगर भागामध्ये फक्त आणि फक्त आश्वासनांच्या वल्गना केल्या जात असताना राष्ट्रवादी काँग्रेस पक्षाच्या वतीने प्रभाग क्रमांक 30 (क) मधून मतदानाचे आवाहन करणाऱ्या मनिषाताई विरेश शितोळे यांच्यामार्फतच फक्त आणि फक्त विकासाची भाषा केली जात असल्याने मतदारांमध्ये अनोखे कुतुहल निर्माण झाले आहे.
प्रभाग 30 मध्ये …नाते जनसेवेचे! तुमचे आमचे सर्वांचे! अशी अनोखी भूमिका घेतल्याने प्रभागातील लाडक्या बहिणी, ज्येष्ठ नागरिक, तरुण बांधव यांचा ‘विक्रमी’ सहभाग अनेकांना आव्हानात्मक वाटत आहे. उच्चशिक्षित आणि समाजसेवी अंगीकृत केलेल्या राष्ट्रवादी काँग्रेस पक्षाचे अधिकृत उमेदवार मनिषाताई विरेश शितोळे यांची प्रचारातील घौडदौड आणि उत्साही प्रतिसाद या उमेदवारासाठी जमेच्या बाजू ठरत आहेत. मनिषाताई विरेश शितोळे यांनी प्रकाशित केलेला वचननामा हा या भागात सध्या चर्चेचा विषय बनला असून प्रभाग क्रमांक 30(क) मधील ‘तुतारी’सच मतदारांची पसंती वाढत विजयाची घोडदोड असल्याची जाणीव कार्यकर्त्यांना होत आहे.
कर्वेनगर परिसरातील आकाशनगर, कॅनॉल रोड परिसर, शाहू कॉलनी, काकडी सिटी, न्यू कोपरे पुनर्वसन, भालेकर वस्ती, दुधाने नगर, श्रीमान सोसायटी, कर्वेनगर गल्ली नंबर 1 ते 10, मावळे आळी, वनदेवी टेकडी परिसर, कर्वेनगर गावठाण, भारत कॉलनी, राजाराम पूल परिसर, हिंगणे होम कॉलनी भागात मनिषाताई विरेश शितोळे यांच्या वचन नाम्याला उत्साही प्रतिसाद मिळत असून तरुणाई प्रचारात अधिक सक्रिय झाली आहे. कर्वेनगर च्या विकासासाठी 30 (क) मधून ‘तुतारी’च्या पसंती सुरू झालेली सुप्त लाट कार्यकर्त्यांचा उत्साह वाढवण्यास मदत करत आहे.
