बीड: खंडणी प्रकरणामध्ये वाल्मिक कराड सीआयडीला शरण आला आणि दोन दिवसांपासून सीआयडीच्या कोठडीत आहे. पण कोठडीमध्ये वाल्मिक कराडला मिळणाऱ्या सुविधा आणि यंत्रणेचा गैरवापर होत आहे, असा गंभीर आरोप मयत सरपंच संतोष देशमुख यांचे भाऊ धनंजय देशमुख यांनी पोलीस अधीक्षकांकडे केली आहे. एवढंच नाहीतर वाल्मिक कराडला कोठडीकडे जावून भेटणारा तो सरपंच कोण? असा सवालही धनंजय देशमुख यांनी केला आहे.
बीड शहर पोलीस ठाण्यात सीआयडीच्या कोठडीत वाल्मिक कराड यांना मिळणाऱ्या सुविधा आणि यंत्रणेचा गैरवापर होत असल्याची तक्रार मयत सरपंच संतोष देशमुख यांचे बंधू धनंजय पंडितराव देशमुख यांनी पोलीस अधीक्षकाकडे लेखी तक्रार केली आहे. बुधवारी धनंजय देशमुख सीआयडीच्या तपासाचा आढावा घेण्यासाठी आले असता. त्याच्याबद्दल घडलेला प्रकार त्यांनी या तक्रार लिहिलेला आहे. या संपूर्ण प्रकरा संदर्भात पोलीस अधिकाऱ्यांना विचारणा केली असता. सीआयडीचा तपास कामातील महत्त्वाचा दुवा असलेला तो व्यक्ती होता, असा काहीही प्रकार घडला नाही, असं उत्तर दिलं. मात्र या तक्रारीमुळे चर्चा होत आहे.
वाल्मीक कराडला कोठडीत कोण भेटलं?
खंडणी प्रकरणी आरोपी असलेले वाल्मिक कराडला भेटण्यासाठी कोरेगावचे माजी सरपंच पती बालाजी तांदळे हे आले आणि थेट पोलीस ठाण्यात गेले होते. मला विचारले तू इथे काय करायला, सीआयडीवाले कुठे आहेत आणि वाल्मिक कराडला ठेवण्यात आलेल्या कोठडीकडे गेले. दोन मिनिटात परत आल्यावर मी म्हटलं, तुम्ही त्या सहा तारखेच्या दिवशी पवनचक्की वादाच्या ठिकाणी होतात. आम्हाला म्हटलास आरोपी मीच पकडले आणि माझ्या भावाची हत्या करणाऱ्या सुदर्शन घुले यांचा फोटो दाखवला आणि आरेरावी केली आणि संतापजनक माझ्याशी वागला. आम्ही सदरील घटना पोलीस महिला कर्मचारी रेडेकर यांना सांगितली तर त्यांनी हुजत घातली आणि आपण सीआयडीसोबत आलो आहोत, असं सांगितलं, असं धनंजय देशमुख यांनी तक्रारीत म्हटलंय.
दरम्यान, दंगल पथकातील कर्मचारींनी आपण सीआयडीचा वाहन चालक असल्याचं म्हटलंय. रेडेकर यांच्याशी हुज्जत घालणारे बालाजी तांदळे यांच्यावर कार्यवाही करण्याचा विषय काढताच त्या ठिकाणी असलेले एपीआय दराडे यांनी आवाज कमी करून बोला असं उलट रेडेकर यांनाच बोलले, तांदळे यांना बाजूच्या रूममध्ये बसवून नंतर सोडून दिलं. मेहरबान साहेब, माझी आपल्याकडे तक्रार आहे की, ज्या ठिकाणी आरोपी आहेत अश्या ठिकाणी असे लोक येतात कसे, खून करणारे मुख्य आरोपी अद्याप सापडले नाहीत आणि मला त्या घुले नामक आरोपीचा फोटो दाखवणे म्हणजे मला दहशती खाली घेत होता, अशी माझी तक्रार आहे. अश्या लोकांच्या थेट कोठडीपर्यंत येण्याने माझ्या भावाच्या हत्येचा निकाल कधी लागणार? तपास कामाला प्रभावित करण्याचा हा प्रकार तर नसावा, अशी शंका धनंजय देशमुख यांनी व्यक्त केली.
या प्रकरणात बालाजी तांदळे यांची चौकशी करून योग्य ती कार्यवाही करावी. यावेळी एपीआय दराडे यांनी तांदळे यांना पाठीशी का घातले, दराडे आणि तांदळे यांचे संगनमत असून यातून तपास प्रभावित होत असेल तर? माझ्या भावाची हत्या झालेली आहे. यात कुणी हलगर्जीपणा केला तर आरोपींना शासन होणार नाही. यासाठी बालाजी तांदळे आणि एपीआय दराडे यांची चौकशी अपेक्षित असून यांना वाल्मिक कराडपासून दूर ठेवावे, अशी मागणीही त्यांनी केली.
