मस्साजोगचे सरपंच संतोष देशमुख यांच्या हत्येप्रकरणी आता पोलिस आणि सीआयडीकडून तपासाची सूत्रे वेगाने फिरवली जात आहे. देशमुख हत्येच्या निषेधार्थ बीडमध्ये मूक मोर्चा काढण्यात आला. एकीकडे राज्यातून या हत्येवरुन संतापाची लाट उसळली आहे. मंत्री धनंजय मुंडे यांचे निकवर्तीय असले्या वाल्मिक कराडला या प्रकरणात अटक करण्याची मागणी सर्वपक्षीय नेत्यांनी केली. वाल्मिक कराड सध्या फरार असून सध्या सीआयडी आणि पोलीस त्याच्या मागावर आहेत. आज बीडचे खासदार बजरंग सोनावणे यांनी भरसभेत फरार वाल्मिक कराड कुठे लपलाय? याचा पत्ताच सांगितला आहे.
बजरंग सोनावणे म्हणाले, आकाचा मास्टरमाईंड धनंजय मुंडे आहे. पद कशाला पाहिजे आमचे मुडदे पाडायला पाहिजे. याचं नाव कशाला पाहिजे हा फक्त दलाल आहे. याच्यावर काय बोलालया हा मोठा नाही. हजार मतं बोगस केले आहे. तुमच्या खालच्या पिलावळींना आवरा. धनंजय मुंडेंना मंत्रिमंडळात राहण्याचा अधिकार नाही.
वाल्मिक कराड कोणाच्या घरात लपलाय, बजरंग सोनावणेंनी सांगितलं
20 दिवस झाले तरी हा मोकाट फिरतोय. कायदा, पोलिसापेक्षा हा मोठा आहे का. ज्याच नाव तुम्ही घ्या म्हणताय तो त्याच्या घरात बसलाय. त्याचं घर तपासा. त्याच घर तपासलं तर त्याच्या घरातच तो सापडेल, मी जाहीर पत्ता सांगतोय. तरी डीवायएसपी जात नाही. याचं नाव घेण्याची लायकी पण नाही, असेही बजरंग सोनावणे म्हणाले.
दरोडेखोर, दलालचं नाव मी घेणार नाही : बजरंग सोनावणे
बजरंग सोनावणे पुढे म्हणाले, बीडचा जिल्ह्याचा खासदार हा स्वाभिमान आहे. तुम्ही म्हणाल त्याचे नाव घेऊ … दरोडेखोर, दलालचं नाव कशाला माझ्या जीभेतून मी घेऊ त्याचं नाव घेणार नाही. पोलीसयंत्रणा याला हुडकून काढणार आहे. काय तर म्हणे बाप तो बाप रहेगा.. आता संतोष आण्णा देशमुख गेले आता बजा आणि बेवडं राहिलं काय बोलता तुमच्यात खरच दम असेल तर आमच्याकडे नजर वरी करून बघा .
