व्यापारी, दुकानदार, लघु व्यावसायिकांपासून ते मोठया दुकानदारांच्या समस्या सोडवण्यासाठी कोथरूड विधानसभा मतदारसंघातील महाविकास आघाडीचे उमेदवार आणि माजी आमदार चंद्रकांत मोकाटे हेच प्रयत्न करू शकतात असे आवाहन कोथरूड व्यापारी संघांचे उपाध्यक्ष राजेंद्र चव्हाण यांनी सांगितलं.
कोथरूड व्यापारी संघांचे व्यापारी सदस्यांची काल मंगळवारी सायंकाळी श्री मोकाटे यांच्या जनसंपर्क कार्यालयात बैठक झाली. या बैठकीत श्री मोकाटे, जयेश खक्कर, शांताराम अमराळे दिलीप चोरगे, सुनिल लोटलीकर, कैलास परमार, बगाराम चौधरी दादासाहेब भेलके, सचिन पाटील आदी मान्यवर उपस्थित होते.
राजेंद्र चव्हाण म्हणाले की, कोथरूड विधानसभा मतदारसंघात 5,800 व्यापारी आहेत. या व्यापाऱ्यांच्या अनेक समस्या आहेत त्या सोडवण्यासाठी श्री मोकाटे आम्हाला अनेक वेळा मदत करतात. आमच्या व्यापारी व दुकानदारांच्या समस्या सोडविण्यासाठी स्थानिक लोकप्रतिनिधीच हवा. ते कोणत्याही वेळेला आमच्यासाठी उभे राहतात. दुकानदारांच्या समस्या सोडवण्याण्यासाठी आपण प्रयत्न करू असे श्री मोकाटे म्हणाले
