बाणेर बालेवाडी परिसरातील नागरिकांनी कोथरूड विधानसभा मतदारसंघाची निर्मिती झाल्यापासून भारतीय जनता पक्षाच्या उमेदवारांना भरभरून मते दिली परंतु त्या बदल्यात या भागातील नागरिकांच्या पदरी फक्त आणि फक्त निराशाच पडली आहे. भारतीय जनता पक्षाच्या वतीने या भागाला पक्षाचा बालेकिल्ला मानला जात असला तरी सामान्य नागरिकांच्या पदरी दुर्लक्ष आणि घराणेशाहीचे नेतृत्व पडत असल्याने आज महाविकास आघाडीचे अधिकृत उमेदवार चंद्रकांत मोकाटे यांच्या प्रचार रॅलीला ‘लाडक्या काका’साठी सर्वच परिसरामध्ये उत्साहात स्वागत करण्यात आले.
आजपर्यंत या भागामध्ये काय घडलं आणि स्थानिक नागरिकांनी कोणाच्या पारड्यात मते टाकली हे महत्वाचे नसून या भागातील नागरिकांना सर्वांगीण विकासाचे आयुष्य जगता यावे यासाठी आपण कटिबद्ध आहे. बाणेर बालेवाडी पाषाण परिसरात मेट्रोच्या कामामुळे निर्माण होतं असलेली वाहतुकीची कोंडी दूर करण्यासाठी आपण प्राधान्य देणार असल्याचे महाविकास आघाडीचे उमेदवार व माजी आमदार चंद्रकांत मोकाटे यांनी या परिसरातील नागरिकांना सांगितलं.
बाणेर बालेवाडी पाषाण परिसरातील नागरिकांशी या भागातील समस्याविषयी श्री मोकाटे यांनी चर्चा केली तेव्हा मेट्रोच्या कामामुळे नागरिकांना होणारा त्रास लवकरच दूर करू असेही त्यांनी सांगितलं. हिंजेवाडी ते सिविल कोर्टादरम्यान मेट्रो प्रकल्प उभारणीचे काम चालू आहे त्यामुळे बाणेर बालेवाडी व पाषाण परिसरात मोठया प्रमाणावर वाहतुकीची कोंडी होतं आहे नागरिकांना घरी जाण्यास दोन ते तीन तास उशिरा होतं आहे.
या परिसरात काही हॉस्पिटल आहे या हॉस्पिटलच्या रुग्णवाहिकेस रुग्णांना उपचारासाठी घेऊन जाण्यास अडथळा येतो ते दूर करण्यासाठी प्रयत्न करणार आहे असेही श्री मोकाटे यांनी यावेळी प्रचारात सांगितले.
