विधानसभा मतदारसंघाची निवडणूक जाहीर झाल्यापासून उमेदवारीची इच्छुकांची तयारी पाहता या मतदारसंघातील लढती म्हणजे होतील अशी अपेक्षा असताना धक्कादायक घडामोडी घडल्या आणि या मतदारसंघाचे चित्रच पालटले. भारतीय जनता पक्षातील बंडोबा अचानक थंड झाले परंतू रंजक पद्धतीने माजी आमदार चंद्रकांत मोकाटे यांनी उमेदवारी मिळवण्यात यश मिळवल्यानंतर विधानसभा मतदारसंघातील चित्र हळूहळू वाटचाल करत आहे. कोथरूड विधानसभा मतदारसंघातील भारतीय जनता पक्षाच्या वतीने या भागातील लढती एकतर्फी होणार अशी वल्गना केली जात असताना शिवसेनेचे अधिकृत उमेदवार माजी आमदार चंद्रकांत मोकाटे यांनी प्रचाराची रणनीती बदलत भारतीय जनता पक्षाला लढत तगडीत होणार असे संकेत दिले.
कोथरूड विधानसभा मतदारसंघांमध्ये दोन स्थानिक (महाराष्ट्र नवनिर्माण सेनेचे किशोर शिंदे आणि अपक्ष उमेदवार विजय डाकले ) उमेदवारांनी या निवडणुकीमध्ये रंजक हालचाली करण्यास सुरुवात केल्यामुळे महाविकास आघाडीच्या उमेदवार पुढे नवे आव्हान समोर आले आहे. भारतीय जनता पक्षा व्यतिरिक्त हिंदुत्ववादी मराठी मते शिवसेना आणि महाराष्ट्र नवनिर्माण सेना या दोन पक्षांमध्ये विभागली जाण्याची शक्यता आहे. तर मराठा आंदोलन प्रणेते मनोज जरांगे पाटील यांच्याशी गेली आठवडाभर संपर्क करत कोथरूड विधानसभा मतदारसंघांमध्ये रंजक लढती करण्यासाठी अपक्ष उमेदवार आणि बहुजनांचे नेतृत्व विजय बापू डाकले यांनी वेगळे समीकरण साध्य करतात अचानक कोथरूड विधानसभा मतदारसंघांमध्ये गणित बिघडण्यास सुरुवात झाली आहे. मनोज जरांगे यांच्या पाठीशी महाराष्ट्रातील संपूर्ण मातंग समाज उभारण्याचे आश्वासन दिल्यानंतर कोथरूड विधानसभा मतदारसंघातील समर्थकांचे सर्वच्या सर्व अर्ज माघारी आले आहेत. कोथरूड विधानसभा मतदारसंघातील लढत ही एकतर्फी झाल्याची घोषणा भारतीय जनता पक्षाचे पदाधिकारी करत असले तरीसुद्धा पडद्यामागे मोठे हालचाली सुरू असून आगामी काळात याचे चित्र स्पष्ट होईल.
आज कोथरूड विधानसभा निवडणुकीच्या मैदानातून तब्बल ९ जणांनी माघार घेतली असून १२ उमेदवार या निवडणुकीला सामोरे जाणार आहेत. ४ लाख ४० हजार ५५७ मतदार असलेल्या या मतदार संघात पुरुष मतदारांची संख्या २ लाख २८ हजार ७९५ आहे, तर महिला मतदार २ लाख ११ हजार ७४० आहेत, त्याचबरोबर २२ तृतीयपंथी मतदार असणार आहेत. या सर्वांना मतदान करण्यासाठी ३९ मतदान केंद्राची व्यवस्था करण्यात आली आहे.
कोथरूड विधानसभा मतदारसंघातील अधिकृत उमेदवार
अॅड. किशोर नाना शिंदे
चंद्रकांत (दादा) बच्चू पाटील
चंद्रकांत बलभीम मोकाटे
इंजि. महेश दशरथ म्हस्के
प्रकाश मारुती दहिभाते
योगेश राजापूरकर
किरण लक्ष्मण रायकर
गजरमल सुहास पोपट
डाकले विजय (बाप्पू) तुकाराम,
विराज दत्ताराम डाकवे,
सचिन दत्तात्रय धनकुडे आणि
सागर संभाजी पोरे हे १२ उमेदवार निवडणुकीच्या रिंगणात आहेत.
आज अर्ज माघारी घेण्याच्या दिवशी बाबुराव दत्तोबा चांदेरे, अनिल पांडुरंग चव्हाण, सोनाली उमेश ससाणे, अमेय मधुकर जोशी, प्रकाश किसन बालवडकर, भूषण रामचंद्र शिर्के, मुरलीधर पद्माकर ज्वारी, विजय किसन बराटे आणि अॅड. योगेश श्रीकांत मोकाटे या ९ उमेदवारांनी आपले उमेदवारी अर्ज माघारी घेतले आहेत.
