खान्देश साहित्य संघ सुरत, गुजरात व मानवता बहुउद्देशीय धुळे, संस्थेच्यावतीने सुरत येथील आंबेडकर भवनात आयोजित भव्य आंतरराज्य काव्य संमेलनात सुप्रसिद्ध साहित्यिक कवी राजेंद्र वाघ यांना डॉ. सदाशिव सूर्यवंशी यांच्या हस्ते साहित्य भूषण पुरस्कार प्रदान करण्यात आला. याकार्यक्रमाचे उद्घाटन विजयाताई मानमोडे यांच्या हस्ते झाले. तर अध्यक्षपद प्रा. रत्नाताई पाटील यांनी भूषविले.
व्यासपीठावर दंगलकार नितीन चंदनशिवे, युवा नेता कुणाल सोनवणे, कविसंमेलन अध्यक्षपदी डॉ. नरेंद्र खैरनार यांच्या उपस्थित कवींचे कविसंमेलन यशस्वीपणे पार पडले. यात राजेंद्र वाघ यांच्या कवितेला प्रचंड टाळ्यांनी दाद मिळवली. कार्यक्रमाचे आयोजन जितेंद्र बहारे यांनी केले, सूत्रसंचालन किरण वानखेडे आणि मीनाक्षी जगताप यांनी केले तर आभार प्रदर्शन जितेंद्र बहारे यांनी मानले.
