पुणे शहरातील कचरा वेचक आणि वाहून होणारे टेम्पो धारक यांना येणाऱ्या अडचणी आणि समस्यांच्या बाबत पुणे महापालिका आयुक्त व पालिकेच्या घनकचरा व्यवस्थापन विभागाचे प्रमुख उपायुक्त श्री संदीप कदम यांना कचरा वेचक वाहक संघटना संस्थापक अध्यक्ष विजय बापू डाकले यांच्या नेतृत्वाखाली भेट घेऊन निवेदन देण्यात आले असून योग्य निर्णय न घेतल्यास थेट कार्यालयात कचरा घेऊन जाण्याचा इशारा देण्यात आलेला आहे.
आठ दिवसात जर कचरा वाहक वेचकांच्या समस्या सुटल्या नाहीत तर कचरा भरलेल्या टेम्पोसह पालिकेला घेराव घालण्याचा इशारा या वेळेस देण्यात आलेला आहे. यावेळेस आरपीआयचे बाळासाहेब खांकाळ, लहुजी साम्राज्य संघटनेचे विजयराव बगाडे, कचरा वाहक वेचक संघटनेचे अध्यक्ष नामदेव पुलावळे आधी प्रमुख उपस्थित होते.
