कोथरूड बावधन क्षेत्रीय कार्यालय घनकचरा व्यवस्थापन विभाग व सरस्वती विद्या मंदिर यांच्या संयुक्त विद्यमाने ” स्वच्छ भारत अभियान व स्वच्छ सर्वेक्षण मिशन २०२४” अन्वये प्रभाग क्रं. १२, डहाणूकर कॉलनी व कोथरूड गांवठाण आरोग्य कोठी अंतर्गत असणाऱ्या सरस्वती शाळेच्या प्रांगणात २६ जून रोजी जागतिक आमली पदार्थ विरोधी निषेध दिन जनजागृती मोहीम राबविण्यात आली. आजच्या धावपळीच्या कालखंडात तरूण वर्ग आमली पदार्थाच्या विळख्यात सापडला आहे त्यामुळे कित्येक तरूण मुला मुलींचे यांचे जीवन उध्वस्त होत आहेत. मुलांना मार्गदर्शन करत असताना वैजीनाथ गायकवाड असे म्हणाले की,”२६ जून हा दिवस जगभर जागतिक आमली पदार्थ विरोधी दिन भावी पिढीला वाचवण्यासाठी या विधायक उपक्रमाच्या स्वरूपात साजरा केला जातो. युनो या जागतिक आरोग्य संघटनेने १९८८ सालापासून ह्या उपक्रमाची सुरुवात करण्यास मान्यता दिली. तसेच ड्रग्ज, अफू, गांजा, सिगारेट, दारू, बियर या पदार्थाच्या अतिसेवनामुळे व्यक्तीला शारीरिक व मानसिक कमकुवत बनवते. शिवाय व्यक्ती हिंसक बनतात तसेच मधुमेह, लठ्ठपणाचा धोका वाढतो. उच्च रक्तदाब, पॅरालिसीस आणि हदय विकाराच्या झटका येण्याचे प्रमाण वाढत आहे. तसेच पोट, स्तन, तोंड आणि घशाच्या कर्क रोग होण्याचे प्रमाण झपाट्याने वाढत आहे. अशाप्रकारे आमली पदार्थाचे सेवन केल्याने दरवर्षी लाखो माणसे मृत्युमुखी पडत आहेत. म्हणून जगभर जागतिक आमली पदार्थ विरोधी निषेध दिन जनजागृती आभियान राबवले जाते”. त्या अनुषगांने सरस्वती शाळेत इयत्ता ८,९ व १० वी च्या १८० विद्यार्थ्यांना आमली पदार्थ सेवन केल्यास आरोग्यावर किती वाईट परिणाम होतो याविषयी मोकादम वैजीनाथ गायकवाड व अशोक कांबळे यांनी मार्गदर्शन केले. शिवाय स्वच्छ भारत अभियान स्पर्धेत प्रत्येक शाळेने आपला निर्माण होणारा ओला कचरा जिरवण्याचा खत प्रकल्प सुरू करावा असे आवाहन करण्यात आले. महानगरपालिकेच्या अहवानाला प्रतिसाद देऊन सरस्वती शाळेत निर्माण होणारा ८० किलो ओला कचरा ड्रम मध्ये खत प्रकल्प राबवून जिरवला जातो. तसेच महिन्यातून दोन वेळा निव्वळ प्लॅस्टिक जमा करून स्वच्छ संस्थेकडे सोपवला जातो. सदर कार्यक्रम उपायुक्त संदीप कदम, गणेश सोनुणे महापालिका सहाय्यक आयुक्त केदार वझे यांच्या मार्गदर्शना खाली शिवाय वरिष्ठ आरोग्य निरिक्षक राम सोनवणे यांच्या नेतृत्वाखाली आरोग्य निरिक्षक करण कुंभार, सचिन लोहकरे, गणेश साठे, मोकादम वैजीनाथ गायकवाड, आण्णा ढावरे, अशोक कांबळे, दत्ता जाधव, सामाजिक कार्यकर्ते बाळू दांडेकर, नवनाथ साठे सरस्वती शाळेच्या मुख्याध्यापिका उज्वला ढेरे, किरण कोल्हे, कैलास सरतापे, अर्चना शेडगे, संतोष ढेपे, नलिनी राजभोसले, रेवणनाथ सातपुते, कांचन काळे ईत्यादी उपस्थित होते.
