कोथरुड : चांदणी चौक येथील श्री १००८ भगवान महावीर दिगंबर जैन मंदिर येथे प.पु.संतशिरोमणि आचार्य श्री १०८ विद्यासागरजी महाराज यांच्या आशीर्वादाने आणि प.पु.निर्यापक श्रमण १०८ सुधासागरजी महाराज यांच्या प्रेरणेने श्रमण संस्कृती संस्कार शिक्षण शिबिराचे आयोजन 15 मे ते 22 मे 2024 रोजी करण्यात आले आहे. शिबिराची सुरवात ध्वजारोहण व दीप प्रज्वलन करून नमोकर महामंत्र ने झाली.
शिबिर मध्ये जैन धर्मातील सर्व मुला-मुलींसाठी तसेच युवा वर्ग व प्रौढ यांच्यासाठी जैन धार्मिक प्रथे प्रमाणे अभिषेक, पूजा-पाठ, स्वाध्याय, संस्कार, आचरण याची सविस्तर माहिती सांगानेर (राजस्थान) येथील ऋषभ जैन शास्त्री व अंकित जैन शास्त्री हे प्रमुख मार्गदर्शन करत आहेत.
यामुळे जैन संस्कृतीचे संरक्षण, संवर्धन तसेच धार्मिक ग्रंथ यामधील सिद्धांत यासंबंधी संस्कार शिक्षण केल्यामुळे लहान मुले-मुली, युवा वर्ग, प्रौढ वर्ग यांना जैन धर्माची जागृती तसेच प्रभावना करणाच्या उद्देशाने हे आध्यात्मिक शिक्षण व प्रशिक्षणाचे आयोजन करण्यात आल्याची माहिती भगवान महावीर मंडळ ट्रस्ट व दिगंबर जैन मंदिराचे विश्वस्त उदय लेंगडे, प्रीतम मेहता, अशोक मगदूम, ज्योती बोरसे, शोभा पोकळे यांनी दिली.
