कोथरूड बावधन क्षेत्रिय कार्यालयाच्या घनकचरा व आस्थापना विभागाच्या वतीने प्रभाग क्रमांक १२, डहाणूकर कॉलनी व कोथरूड गांवठाण परिसरातील २४७ व्यवसायिक क्षेत्रात प्रत्यक्ष जाऊन १८० व्यवसायिक तसेच रस्त्याने जाणारी येणारी नागरिक १०० तसेच पीएमपीएमल बसमधील १२० प्रवासी शिवाय कांबळे व तुपे परिवाराच्या विवाह सोहळ्यातील ५५० अशा एकूण ४१४९ मतदार राजाला मतदान करण्याची शपथ देण्यात आली.
मोकादम वैजीनाथ गायकवाड, आण्णा ढावरे, अशोक कांबळे यांनी चौका चौकातील सिग्नलला थांबून शिवाय पीएमपीएमएलच्या बस थांबून ” मे पुढे, ये पुढे, मतदान कर, मतदान कर, लोकशाहीचा सन्मान कर, लोकशाहीचा सन्मान कर…..!” उठ मतदारा जागा हो, लोकशाहीचा धागा हो….!” ताई, वहिनी, काकू, मावशी, दिदी, दादा, दादी, आजी मतदानाला चला” कचरा जमा करणाऱ्या घंटागाडी, छोटा हत्ती व स्वच्छ सहकारी संस्थेच्या टेंपोवर स्पीकर व माईकद्वारे अशाप्रकारचे गीत ऐकवण्यात आले शिवाय लक्ष्मीनगर, श्रावणधारा वसाहतीत,४० सोसायट्या मध्ये पत्रक वाटून प्रचार केला. तसेच विशालतेने नटलेल्या भारत देशाची संसदीय लोकशाही अधिक सक्षम व बळकट करण्यासाठी प्रत्येक मतदार राजांनी १००% मतदान करा व भारतीय राज्यघटनेने दिलेल्या अमुल्य अशा मतदानाचा अधिकार व हक्क बजावून आपल्या पसंतीचा उमेदवार निवडा असे आवाहनही करण्यात आले.
सदर अभिनव उपक्रम उपायुक्त नितीन उदास, संदीप कदम, महापालिका सहाय्यक आयुक्त केदार वझे यांच्या मार्गदर्शनाखाली, वरिष्ठ आरोग्य निरिक्षक राम सोनवणे, अधिक्षक विजय इंगळे, वरिष्ठ लिपिक सचिन जाधव यांच्या नेतृत्वाखाली आरोग्य निरिक्षक करण कुंभार, सचिन लोहकरे, मोकादम वैजीनाथ गायकवाड, आण्णा ढावरे, अशोक कांबळे, सेवक परेश कुचेकर, कुणाल जाधव, अभिषेक गायकवाड यांनी मतदान जागृती अभियान राबविण्यासाठी परिश्रम घेतले.
