पुणे जिल्ह्यातील ४ लोकसभा मतदारसंघातील महायुतीच्या उमेदवारांच्या प्रचारासाठी पंतप्रधान नरेंद्र मोदी आज सोमवारी पुण्यात सभा घेणार आहे. पश्चिम महाराष्ट्रातील सर्वात मोठी सभा करण्याचा नियोजन आयोजकांनी केले असल्यामुळे आणि उच्च पातळीवर प्रचाराची पातळी गेलेले चारही मतदारसंघातून विक्रमी लोकांची गर्दी लक्षात घेता शहरातील रेसकोर्स मैदानावर ही सभा होणार आहे. या सभेसाठी भाजप आणि मित्रपक्षांकडून जय्यत तयारी करण्यात आली आहे. पुणे शहरातील भाजपच्या वतीने या सभेच्या निमित्ताने मोठे नियोजन आखण्यात आले असून विक्रमी पक्षप्रवेशही होण्याची आहे. मोदींच्या सभेच्या निमित्ताने मोठे पक्षप्रवेश आयोजित करून विरोधकांना चेकमेट देण्याचा मानस भाजपच्या वतीने आखण्यात आला आहे. पुणे शहरातील विविध पक्षातील माजी नगरसेवक गेली ६ महिन्यापासून भारतीय जनता पक्षाच्या संपर्कात असून वेगवेगळ्या प्रकारे भाजपमध्ये प्रवेश करण्याचे प्रयत्न या सभेत यशस्वी होण्याची शक्यता आहे.
भारतीय जनता पक्षाच्या वतीने पंतप्रधान नरेंद्र मोदी यांची सभा एस पी कॉलेजच्या मैदानाऐवजी रेसकोर्सवर स्थलांतरित केल्यानंतर विक्रमी जनसभा हे भाजपचे लक्ष असल्याचे जाहीर झाले सभास्थळाच्या आजूबाजूला लागलेले फलक आणि गेली 2 दिवस भारतीय जनता पक्षाने कसलेली कंबर अन मध्यरात्री होणाऱ्या गुप्त बैठका या दोन्ही गोष्टीमुळे पुण्यात प्रचंड गर्दी आणि प्रचंड मोठे पक्ष प्रवेश नाकारता येत नाहीत. उमेदवारी अर्ज भरतानाच भारतीय जनता पक्षाने तसेच संकेत दिले कारण उमेदवारी अर्ज भरण्याच्या रथावरच व कोथरूड शिवसेनेतील काही पदाधिकाऱ्यांनी पक्षप्रवेश केले त्याचीच पुनरावृत्ती या सभेच्या निमित्ताने होण्याची शक्यता आहे.
पुणे लोकसभेच्या मोदींची पुण्यातील सभा गर्दीचे विक्रम मोडीत काढण्याची शक्यता आहे. या सभेच्या सुरक्षेच्या कारणामुळे आज दुपारी ४ ते रात्री ९ वाजेपर्यंत शहरातील अनेक रस्ते बंद ठेवण्यात येणार आहे. वाहनचालकांनी पर्यायी मार्गाचा वापर करून सहकार्य करावे, असे आवाहन पुणे पोलिसांकडून करण्यात आले आहे.
रेसकोर्स परिसरातील पाण्याची टाकी ते टर्फ क्लब चौक रस्त्यावर दुहेरी वाहतूक करण्यात येत आहे.
टर्फ क्लब मुख्य प्रवेशद्वार ते टर्फ क्लब चौक रस्ता बंद राहील.
सोलापूर रस्त्यावरील अर्जुन रस्ता जंक्शन ते टर्फ क्लब मुख्य प्रवेशद्वार हा रस्ता बंद राहील.
बिशप स्कूल सर्कल ते टर्फ क्लब चौक रस्ता बंद राहील.
पुणेकरांसाठी पर्यायी मार्ग?
मम्मादेवी जंक्शन येथून व बेऊर रस्ता जंक्शन येथून इच्छित स्थळी.
खालील रस्ते तात्पुरत्या स्वरूपात बंद राहतील.
गोळीबार मैदान ते भैरोबानाला (सोलापूर रस्ता)
गोळीबार मैदान चौक लुल्लानगर ते इच्छित स्थळी.
भैरोबानाला ते गोळीबार मैदान चौक (सोलापूर रस्ता)
पुणेकरांना पर्यायी मार्ग दिले आहेत त्याच आवाहन वाहतूक पोलिसांनी केलं आहे.
