पुणे लोकसभा मतदारसंघातील महायुती चे अधिकृत उमेदवार मुरलीधर मोहोळ यांनी आज कोथरूड भागातील छत्रपती शिवाजी महाराज यांच्या स्मारकाला अभिवादन करून सुमारे तीन किलोमीटरच्या पदयात्रेतून जोरदार शक्ती प्रदर्शन करत आपला उमेदवारी अर्ज दाखल यावेळी महाविजय संकल्प रथामध्ये पुणे शहर राष्ट्रवादी काँग्रेस पक्षाचे अध्यक्ष दीपक मानकर खासदार मेगा कुलकर्णी राज्य महिला आयोगाचे अध्यक्ष रूपालीताई चाकणकर माजी खासदार प्रदीप जावडेकर पुणे शहर अध्यक्ष धीरज घाटे यांच्यासह विविध पक्षातील मान्यवर व भारतीय जनता पक्षाचे आमदार उपस्थित होते.
पुण्यातील मानाच्या स्थळांना भेटी दिल्यानंतर भाजपाचे उमेदवार मुरलीधर मोहोळ यांनी दिवंगत खासदार गिरीश बापट यांच्या प्रतिमेस यांच्या कार्यालयात जाऊन अभिवादन करून पुन्हा उमेदवारी अर्ज भरण्याच्या प्रचार रॅलीला सुरुवात केली. मुरलीधर मोहोळ यांच्या गेली 5 वर्षे केलेल्या कामाच्या जोरावर या अर्ज भरण्याच्या रॅलीमध्ये असंख्य नागरी उत्स्फूर्तपणे सहभागी झाले होते तर कोथरूड भागातील असंख्य महिलाही या पदयात्रेमध्ये विशेष सक्रियपणे सहभागी झाल्या होत्या.
कोथरूड भागाला पुणे लोकसभेची उमेदवारी करण्याचा प्रथम मान मिळाल्याने आज कोथरूड मध्ये एक वेगळा उत्साह पाहण्यास मिळाला. कोथरूड गावठाणामध्ये या निमित्ताने एक वेगळ्या प्रकारचा उत्साह जाणवत होता. कार्यकर्त्यांनी उत्स्फूर्तपणे केलेली फुलांची उधळण आतिषबाजी आणि फुगे या सर्व गोष्टींमुळे एक वेगळ्या प्रकारचं उत्साहाचं वातावरण उमेदवारी अर्ज भरण्याच्या शुभारंभालाच निर्माण झालं होतं. कोथरूड भागातील विविध सेलच्या वतीने ही विशेष आणि लक्ष्मी असे नियोजन करत मुरलीधर मोहोळ यांच्या पदयात्रेमध्ये उत्साही सहभाग नोंदवला.
