कोथरूड भाजपचा हक्काचा मतदार संघ आणि हक्काच्या मतदारसंघाच बलस्थान म्हटलं की फक्त ….ब्राह्मण मत! असं आजवर कोथरूडचं गणित होतं; परंतु परस्पर विरोधकांशी सलगी केल्यामुळे कोथरूडमधील ब्राह्मण समाजाला दुर्लक्षित करत प्रभाग 12मधील दोन्ही ब्राह्मण उमेदवाराला पुणे महापालिकेच्या निवडणुकीत पराभव सहन करावा लागला. तसेच पाच वर्ष सत्तेच्या काळातही समुदायाच्या एकाही नेतृत्वाला संधी न दिल्यामुळे नाराज असलेल्या समुदायाच्या भावनांचा उद्रेक घेऊन कोथरूड विधानसभा मतदारसंघ प्रभाग 12मधील (भाजपा अधिकृत उमेदवार मुरलीधर मोहोळ यांचा प्रभाग) एका नव्या तरुणाने अपक्ष उमेदवारी दाखल करण्याचा मनोदय व्यक्त केला असून ग्रामदैवत कसबा गणपती यांच्या साक्षीने अपक्ष पुणे लोकसभा लढवण्याचा संकल्प केला आहे.
महाराष्ट्रातील 48 लोकसभा मतदारसंघांपैकी महत्त्वाचा आणि हक्काचा मतदारसंघ अशी पुण्याची ओळख केवळ आहे परंतु हेतूचा हा या ब्राह्मण बहुल मतदारसंघांमध्ये कायमच ब्राह्मण समुदायाला दुय्यम स्वरूपाची वागणूक दिली जात आहे. नुकत्याच झालेल्या कसबा विधानसभा मतदारसंघाची निवडणूक असो किंवा 2019 मध्ये उत्तम काम करणाऱ्या विद्यमान खासदार आणि तत्कालीन आमदार मेधा कुलकर्णी यांची उमेदवारी नाकारणे ही ब्राह्मण समुदायाला लक्ष करण्याचीच भूमिका आहे. खरे तर पुणे महानगरपालिकेमध्ये एक हाती सत्ता मिळाल्यानंतर कोथरूड या भागातील ब्राह्मण समुदायातील नगरसेवकांना मानाजी पदे मिळणं अपेक्षित असताना भारतीय जनता पक्षाच्या वतीने सुद्धा फक्त बाहेरील आलेल्या उमेदवारांसाठीच ही पद पाच वर्षे वाटप करण्यात आली त्यामुळे पिढ्यांना पिढ्या भारतीय जनता पक्षा वरती प्रेम करणारा हा समुदाय नाराज आहे. त्यांच्या भावनांना वाट मोकळी करून देणे आणि त्यांच्या हक्कासाठी लढणे ही काळाची गरज लक्षात घेऊन अपक्ष उमेदवारी भरण्याची भूमिका घेतल्याचे उमेदवार योगेश राजापूरकर यांनी म्हटले आहे.
पुणे लोकसभेमध्ये मुस्लिम, वंचित(मराठा) अशा समुदायाने आपले स्वतंत्र नेतृत्व राखण्यासाठी आपल्या समुदायातील लोकांना उमेदवारी जाहीर केली. त्यांचा समाज उमेदवारांच्या पाठीमागे जय-पराजयाचा विचार न करता खंबीरपणे उभा आहे कारण गेली दोन वर्ष स्तरावर जातीय समूह एकत्र ठेवले ही आता काळाची गरज निर्माण झाली आहे. त्याचप्रमाणे पुणे शहरातील ब्राह्मण समुदायही आपल्या न्याय हक्कासाठी एकत्र येऊन माझ्या पाठीशी उभी राहील असा विश्वास यावेळी लगेच राजापूरकर यांनी व्यक्त केला.
राजकीय स्तरावरती समाजाची अवहेलना सुरू असताना सर्वसामान्य मतदार आणि नागरिक यांनाही आत्ता याच लोकांचा त्रास सहन करावा लागत आहे. एकेकाळी गिनीज बुकात नोंद झालेलं कोथरूड आत्ता याच लोकांच्या (पूर्णवेळ कार्यकर्ता) हातगाड्या स्टॉल टेम्पो अन् अतिक्रमणांनी ग्रस्त झालं आहे. ज्येष्ठ नागरिक, महिला कोणत्याच रस्त्यावरून किंवा पदपथावरून चालत जाणे शक्य राहिले नाही. समाज उमेदवारासाठी सामंजस्याने एकत्र आल्यास पुणे लोकसभा मतदारसंघात विजय शक्य असून ब्राह्मणांप्रमाणेच इतर समुदायातीलही असंख्य लोकांचा मला दिवसेंदिवस पाठिंबा वाढत असून एक नवा तरुण नव्या उमेदीने ही जिद्ध करत आहे याचं भूमिकेतून ब्राह्मण समुदायासह अन्य लोकंही जाहीर समर्थन देत आहेत.
