ऐन लोकसभा निवडणुकीत काँग्रेसला मोठा धक्का बसण्याची शक्यता आहे. महाराष्ट्राचे माजी मुख्यमंत्री तथा दिवंगत नेते बॅ. ए. आर. अंतुले यांचे जावई आणि काँग्रेसचे माजी आमदार मुश्ताक अंतुले लवकरच अजित पवार यांच्या राष्ट्रवादीत प्रवेश करण्याची शक्यता आहे. मिळालेल्या माहितीनुसार मुश्ताक अंतुले यांचा येत्या 23 एप्रील रोजी अजित पवार यांच्या राष्ट्रवादीचे नेते सुनील तटकरे यांच्या उपस्थितीत राष्ट्रवादीत (अजित पवार गट) प्रवेश करणार आहेत, असे म्हटले जात आहे.
अंतुले आणि तटकरे एकमेकांचे मित्र
मुश्ताक अंतुले हे सुनील तटकरे यांचे जवळचे मित्र आहेत. तसेच त्यांनी महाराष्ट्रात प्रदूषण नियंत्रण मंडळातही महत्त्वाची जबाबदारी पार पडलेली आहे. मुश्ताक अंतले आणि सुनिल तटकरे यांचे जवळचे संबंध आहे. अनेक कार्यक्रमानिमित्त या दोन्ही नेत्यांचे एकमेकांकडे येणे-जाणे असते. असे असतानाच आता ऐन निवडणुकीच्या धामधुमीत अंतुले राष्ट्रवादीत (अजित पवार गट) जाणार असल्याचे म्हटले जात आहे.
काँग्रेसचे निष्ठावान नेते म्हणून मुश्ताक यांची ओळख
राज्याचे आठवे मुख्यमंत्री स्वर्गवासी बॅ. ए. आर. अंतुले यांच्या निधनानंतर मुश्ताक अंतुले यांनी बॅरीस्टर अंतुले यांचा राजकीय वारसा सांभाळलेला आहे. मुश्ताक अंतुले हे काँग्रेसचे निष्ठावान नेते म्हणून ओळखले जाता. गेल्या कित्येक वर्षांपासून ते काँग्रेसचे काम करत आहेत. मात्र आता अचानकपणे त्यांच्या राष्ट्रवादी प्रवेशाची चर्चा चालू झाली आहे. मुश्ताक यांनी अद्याप राष्ट्रवादीमध्ये प्रवेश केलेला नाही. मात्र मुश्ताक यांच्या निटवकर्तीयांकडून ते लवकरच अजित पवार यांच्या राष्ट्रवादीत जाणार असे सांगितले जात आहे.
सुनील तटकरे यांनी मागिल दिवसांपासून अनेक कार्यकर्ते आपल्या पारड्यात खेचण्यासाठी शर्तीचे प्रयत्न सुरू केलेत यामधे शेकाप, शिवसेना उबाटा गट यासमवेत इतर पक्षातील कार्यकर्ते फोडून त्यांना पक्षात स्वताकडील पक्षात आणण्यात आपली ताकद लावली आहे याच चित्रावरून आता मुश्ताक अंतुले यांचा प्रवेश म्हणजे अल्पसंख्याक मतांची बेरीज आपल्या मातांच्या आकडेवारीत सामिल करून घेण्यासारखे म्हणावे लागेल.
