राष्ट्रवादी काँग्रेसमध्ये उभी फूट पडली आहे. अजित पवार यांच्यासह राष्ट्रवादी काँग्रेसच्या इतर ८ नेत्यांनी एकनाथ शिंदे यांच्या मंत्रिमंडळात मंत्री म्हणून शपथ घेतली आहे. राष्ट्रवादी काँग्रेसमधील अजित पवार आणि त्यांच्या समर्थकांचा गट आता आगामी लोकसभा, विधानसभा आणि स्थानिक स्वराज्य संस्था भाजपसोबत लढवणार आहे. शपथविधीनंतर आता खाते वाटपाच्या चर्चा सुरु आहेत. त्याचवेळी दुसरीकडे कोणत्या जिल्ह्याचं पालकमंत्री पद कुणाला मिळणार याच्या चर्चा आहेत. अजित पवार सरकारमध्ये सहभागी होताच, पुणे भाजपला भीती सतावू लागली आहे. अजित पवार यांनी दीर्घकाळ पुण्याचं पालकमंत्रीपद भूषवलं आहे.
पुण्याचे पालकमंत्री म्हणून सध्या भाजपचे वरिष्ठ नेते चंद्रकांत पाटील कार्यरत आहेत. २०२२ मध्ये भाजप आणि शिंदेंची सत्ता आल्यानंतर चंद्रकांत पाटील यांच्याकडे हे पद आलं. महाविकास आघाडीची सत्ता असताना पालकमंत्रिपद अजित पवार यांच्याकडे होते. तर, २०१४ ते २०१९ मध्ये दिवंगत भाजप नेते गिरीश बापट यांच्याकडे पालकमंत्री पद होतं.
पुणे भाजपला सतावतेय ती भीती
पुण्यातील भाजप नेत्यांमध्ये अजित पवारांचा शपथविधी झाल्यानंतर भीतीचं वातावरण आहे. तर, राष्ट्रवादी काँग्रेसचे कार्यकर्ते उत्साही आहेत. अजित पवार हे भाजपसोबत गेल्यानं पुण्याचं पालकमंत्री पद मिळेल, अशी कार्यकर्त्यांना वाटत आहे. दुसरीकडे भाजप नेत्यांना पुणे आणि पिंपरी चिंचवड शहरावर वर्चस्व असल्याचं वाटत आहे. पुणे आणि पिंपरीतील काँग्रेस, राष्ट्रवादीचं वर्चस्व कमी केलं होतं. मात्र, जर अजित पवार पालकमंत्री झाले तर ते पुन्हा वर्चस्व मिळवतील, असं भाजप नेत्यांना वाटत आहे.
मुंडेंची ऑफर नाकारली, पवारांचं नेतृत्व स्वीकारलं; राष्ट्रवादीची ढाल बनलेल्या जितेंद्र आव्हाडांचा राजकीय प्रवास
अजित पवारांनी २००४ ते २०१४ मध्ये पुण्याचं पालकमंत्री पद भूषवलं होतं. पुणे शहरातील भाजप नेत्यानं नाव न छापण्याच्या अटीवर जर अजित पवार पुण्याचे पालकमंत्री झाले तर भाजप नेत्यांना त्यांच्या भागांमध्ये विकासकामांसाठी निधी मिळवणं अवघड होईल, असं म्हटलं. पुणे शहरातील ८ आमदारांपैकी ५ भाजपचे, २ राष्ट्रवादी काँग्रेसचे आणि १ आमदार काँग्रेसचा आहे.
प्रफुल्ल पटेलांना राजकारणात आणलं, डावपेच शिकवले, हवं नको ते सगळं दिलं पण प्रफुलभाईंनी अजितदादांना साथ दिली. पुण्यातील काँग्रेस आणि राष्ट्रवादी काँग्रेसचं स्थान कमी करण्याचं काम गेल्या दशकापासून केलं आहे. आता राष्ट्रवादीकडे पालकमंत्रीपद गेल्यास त्यांचं महत्त्व पुन्हा वाढेल, असं भाजपच्या नेत्यानं म्हटलं.
