सायंकाळी ७ ची वेळ….. वारजे कॅनॉल रोडवर वाल्हेकर दत्त मंदिराजवळ दोन मुली साधारण १० ते ११ वर्षाच्या मुली बसलेल्या! मंदिराचे संस्थापक अध्यक्ष सामाजिक कार्यकर्ते संजय वाल्हेकर यांनी काळजी पोटी चौकशी करता धक्कादायक प्रकार लक्षात आला परंतु अगोदर या कोवळ्याकरांना आधार आणि आहार देत त्यांनी त्यांचा विश्वास जिंकला आणि सुरक्षित हातांच्या मार्फत पुन्हा त्यांना स्व-ग्रही पाठवण्याचे नियोजन केले.
या घटनेबाबत सविस्तर घडलेला प्रकार असा, पुण्यातील एका मुलींच्या हॉस्टेल मधून साधारण दुपारी जेवणाच्या सुट्टीतून कोणालाही न सांगता बाहेर पडल्या होत्या. सध्याच्या वातावरणात कोवळ्या जीवांना एकटे सोडणे योग्य नव्हते; गेल्या काही दिवसांपासून अनेक लहान मुलींवर अमानूष अत्याचार करून त्यांना मारण्यात येत आहे हे लक्षात आल्याने सदर मुलींना विश्वासात घेऊन त्यांना बोलते केले. पण मुली भीती पोटी वाल्हेकर गुरुजी यांना खरी माहिती देत नव्हत्या; त्यांना भूक लागली होती.
सदरील दोन मुलींची अवस्था लक्षात घेऊन त्यांनी वारजे येथील सुवर्णा हॉटेल मध्ये त्यांना खाऊ घातले अन् वारजे पोलिस ठाण्यात हजर केले. सदर ठिकाणी क्राईमचे PSI श्री सिद्धेश्वर रायगोंडा यांच्या ताब्यात दिले. त्यांनीही त्यांच्याकडून आस्थेवाईकपणे चौकशी करून सर्व माहिती घेऊन त्यांच्या पालकांशी व हॉस्टेलच्या शिक्षकांशी संपर्क साधून त्यांना वारजे पोलीस ठाण्यात बोलाविले. पुढील योग्य तपास वरिष्ठ पोलिस निरीक्षक श्री महेश बोळकोटगी साहेब व क्राईमचे पोलिस श्री प्रकाश धेंडे साहेब करीत आहेत.
