वारजे परिसरात क्रीडाप्रेमींसाठी पर्वणी ठरलेली वनदेवी स्पोर्ट्स क्लब यांच्या वतीने आयोजित करण्यात आलेली भव्य शूटिंग हॉलीबॉल स्पर्धा अतिशय जल्लोषपूर्ण आणि उत्साहाच्या वातावरणात यशस्वीरित्या पार पडली. या स्पर्धेमध्ये पुणे जिल्ह्यातील तब्बल २५ नामांकित संघांनी उत्स्फूर्त सहभाग नोंदवून मैदानात दमदार खेळाचे प्रदर्शन केले. प्रत्येक सामना हा प्रेक्षकांच्या हृदयाची धडधड वाढवणारा, चित्तथरारक आणि नेत्रदीपक ठरला.
या शानदार स्पर्धेचे उत्कृष्ट नियोजन व आयोजन चंद्रकांत उर्फ कांताप्पा बराटे पाटील यांनी अत्यंत मेहनतीने आणि नियोजनबद्ध पद्धतीने पार पाडले. त्यांच्या कार्यामुळे संपूर्ण स्पर्धेला एक वेगळीच उंची प्राप्त झाली. स्पर्धेचे उद्घाटन समर्थ सेवा प्रतिष्ठानचे संस्थापक अध्यक्ष डॉ. आनंद उर्फ बंडू शेठ तांबे यांच्या शुभहस्ते संपन्न झाले. तसेच विजेत्या संघांना बक्षीस वितरण समारंभ देखील डॉ. आनंद उर्फ बंडू शेठ तांबे, राजाभाऊ दोडके आणि मोहित आबा बराटे पाटील यांच्या हस्ते मोठ्या उत्साहात पार पडला.
या स्पर्धेसाठी अनेक मान्यवरांनी उपस्थित राहून खेळाडूंचा उत्साह द्विगुणित केला. विशेष म्हणजे वारजेचे कार्यसम्राट नगरसेवक मा. श्री. सचिन भाऊ दोडके यांच्या हस्ते स्पर्धकांना टी-शर्ट वाटप करण्यात आले, ज्यामुळे खेळाडूंमध्ये अधिक जोश आणि प्रेरणा निर्माण झाली.
खेळ म्हणजे फक्त स्पर्धा नाही… तर एकता, जिद्द आणि युवा शक्तीचा
वनदेवी स्पोर्ट्स क्लबने आयोजित केलेल्या या भव्य स्पर्धेमुळे वारजे परिसरातील क्रीडा संस्कृतीला निश्चितच नवी ऊर्जा मिळाली आहे. भविष्यकाळात महाराष्ट्र राज्य लेवलच्या भव्य दिव्य अशा स्पर्धा आयोजित करण्याचा मनोदय सामन्याचे आयोजक व वनदेवी स्पोर्ट्स क्लबचे अध्यक्ष माननीय श्री चंद्रकांत उर्फ कांताप्पा बराटे पाटील तसेच कार्याध्यक्ष डॉ.आनंद उर्फ बंडू शेठ तांबे यांनी यावेळी आमच्या प्रतिनिधीशी बोलताना सांगितले.
हे सामने यशस्वी करण्यासाठी अनिल रत्नपारखी, चोरडिया साहेब, पाटील साहेब, देवकर साहेब, किरण मामा, विकी कोरडे, सुतार साहेब, बाळू पवार, नानू पवार, प्रवीण कुलकर्णी, तानाजी गाढवे, संतोष गुजरे, कांबळे सर, योगेश मोहिते, बापू सोनवणे, शिवाजी गाढवे, विकास यादव इत्यादी मान्यवरांनी अहोरात्र परिश्रम घेऊन हे सामने यशस्वी करण्यात मोलाचा वाटा उचलला होता.
या स्पर्धेसाठी दिवस रात्र विशेष परिश्रम घेणारे सर्व आयोजक, खेळाडू, मान्यवर आणि क्रीडाप्रेमी प्रेक्षकांचे मनःपूर्वक अभिनंदन करून वनदेवी स्पोर्ट्स क्लबचे अध्यक्ष माननीय श्री चंद्रकांत उर्फ कांता आप्पा बराटे पाटील यांनी सर्वांचे आभार मानले.
