महाराष्ट्रात सध्या चर्चेत असलेल्या भोंदूबाबा अशोक खरात प्रकरणी संपूर्ण महाराष्ट्रभर संतापाची लाट उसळल्यानंतर महिला आयोगाच्या अध्यक्षपदाचा रुपाली चाकणकर राजीनामा दिला असला तरी सुद्धा राजीनामा देण्याअगोदर पोलीस महासंचालक यांच्याशी केलेला पत्रव्यवहार त्यानंतर मुख्यमंत्री देवेंद्र फडणवीस यांची घेतलेली भेट आणि पहिल्या महिला उपमुख्यमंत्री सुनेत्रावहिनी पवार यांच्याकडे दिलेला राजीनामा देऊन पदमुक्ती केली असली तरी सुद्धा या सर्व घडामोडीबाबत लढण्याचे संकेत देऊन ‘एल्गार’ पुकारला आहे. काल रात्री उशिरा माध्यमांशी चर्चा करताना काही ठळक मुद्द्यावर खुलासा करून आपण ही लढाई प्रखरपणे लढणार याचे संकेत दिले.
यापूर्वीही उपमुख्यमंत्री अजित पवार यांच्या पुण्यातील बालगंधर्व रंगमंदिरांमधील शोकसभेमध्ये ‘कडवी’ विचारसरणीच्या वृत्तपत्राने महाराष्ट्राच्या पहिल्या उपमुख्यमंत्री सुनेत्रा वहिनींच्या शपथविधीबद्दल दिलेल्या वृत्ताची जाहीरपणे या ‘सावित्रीची लेकी’ने थेट नाराजी व्यक्त केल्यानं कट्टरवादी समुदायाच्या भावना दुखावल्या होत्या. आत्ता रुपाली चाकणकर यांना नाशिकमधील भोंदूबाबा अशोक खरातचे प्रकरण भोवलं आहे. अशोक खरातला एका महिलेचे लैंगिक शोषण केल्याप्रकरणी अटक करण्यात आली आहे. राज्य महिला आयोगाच्या अध्यक्षा रुपाली चाकणकर यांचे खरात सोबतचे फोटो आणि त्याची पाद्यपूजा करतानाचा व्हिडिओ समोर आला होते. त्यानंतर आता रुपाली चाकणकर यांनी राजीनामा उपमुख्यमंत्री सुनेत्रावहिनी पवार यांच्याकडे दिला आहे.
मुख्यमंत्री देवेंद्र फडणवीस यांच्या आदेशानंतर राजीनामा
रूपाली चाकणकर यांनी राजीनामा द्यावा असे आदेश मुख्यमंत्री देवेंद्र फडणवीस यांनी दिले असल्याची चर्चा सर्व माध्यमांमध्ये असतानाच थेट मुख्यमंत्री देवेंद्र फडणवीस यांची भेट घेऊन संबंधित प्रकरणाची सखोल चौकशी करण्याची लेखी मागणी करून आपला संबंध दूर करण्याचा प्रयत्न केला आहे. या अगोदरच राज्याचे पोलीस महासंचालक यांच्याकडे सुद्धा लेखी मागणी करून चाकणकर यांनी उपमुख्यमंत्री सुनेत्रा पवार यांची भेट घेतली. या भेटीत रूपाली चाकणकर यांनी उपमुख्यमंत्री सुनेत्रा वहिनी यांच्याकडे राजीनामा दिला आहे. समाज माध्यमांवर काही विशेष समुदाय बदनामी करण्याच्या हेतूने नव्या तंत्रज्ञानाचा वापर करून हेतू: हा बदनामी करण्याचा प्रयत्न करत असून या विरोधात आपण सविस्तर लढा देणार असल्याचे जाहीर केल्याने याप्रकरणी आगामी काळात मोठ्या घडामोडी घडण्याच्या शक्यता ना करता येत नाहीत.
चाकणकर यांनी राजीनामा पत्रात काय म्हटलं ते जाणून घेऊयात. रुपाली चाकणकर यांनी पत्रात काय म्हटलं…..
रुपाली चाकणकर यांनी राजीनामा पत्रात म्हटले की, मी, सौ. रुपाली निलेश चाकणकर, वरील विषयान्वये आपणांस विनंतीपूर्वक कळवू इच्छिते की, दि. 15 ऑक्टोबर 2024 रोजी माझी महाराष्ट्र राज्य महिला आयोगाची अध्यक्षा म्हणून नियुक्ती झाली होती. माझ्या वैयक्तिक कारणाने मी स्वेच्छेने सदर पदाचा राजीनामा ह्या पत्राद्वारे आपणांस सादर करत आहे.
आजवर माझ्यावर विश्वास दाखवून आपण मला सर्वतोपरी सहकार्य केले त्याबद्दल मी आपली व सर्व सहकाऱ्यांची शतशः ऋणी आहे. भविष्यातही आपले असेच सहकार्य राहील असा मला विश्वास आहे. तरी आपण माझा अध्यक्षा, राज्य महिला आयोग ह्या पदाचा राजीनामा स्वीकारावा अशी आपणांस नम्र विनंती आहे.
भोंदूगिरी करणारे सर्वच जेरबंद होतील – बावनकुळे
नाशिकमध्ये बलात्कार प्रकरणांमध्ये पोलिसांनी अशोक खरातला अटक केली आहे. यावर राज्याचे महसूल मंत्री चंद्रशेखर बावनकुळे यांना विचारले असता त्यांनी म्हटले की, ‘या प्रकरणात जे कोणी दोषी असतील त्या सर्वांवर कारवाई सरकारच्या वतीने करण्यात येईल आणि सर्व दोषींना जेरबंद करण्यात येईल. तसेच अशा पद्धतीने अनेक भोंदू बाबा आश्रम उघडतात त्यामध्ये काय कार्य करतात हे अनेक वेळा पोलिसांना देखील माहित नसते असेही बावनकुळे म्हणाले.
