पुणे महापालिकेच्या सार्वत्रिक निवडणुका पार पडल्यानंतर भारतीय जनता पक्षाला संपूर्ण पुणे शहरात अहमदपूर व यश मिळाले असले तरीसुद्धा संपूर्ण प्रभागावरती ताबा मिळालेल्या व काही निवडक जागी यश मिळालेल्या भारतीय जनता पक्षाच्या नगरसेवकांची कार्यशाळा मार्गदर्शन सल्ले विषय मांडणी अशी संपूर्ण तयारी करून घेण्यात आली; तरी सुद्धा महत्त्वाचे म्हणजे प्रभागात कोणी कोणत्या भागात काम करायचं याचीच विभागणी आजपर्यंत न झाल्याने जुन्या नव्यांसह सर्वच नगरसेवक संपूर्ण प्रभागात आपले ‘वलय’ टिकवण्यात व्यस्त असल्याचे चित्र पाहण्यास मिळत आहे. पुणे महापालिकेच्या कार्यक्षेत्रातील दोन सहाय्यक आयुक्त कार्यालय वगळता सर्वत्र भारतीय जनता पक्षाचे प्राबल्य आहे प्रत्येक प्रभागांमध्ये वरकरणी भारतीय जनता पक्षाच्या नगरसेवकांचे वर्चस्व पाहण्यास मिळत आहे.
पुणे शहर भारतीय जनता पक्षाच्या वतीने पुणे महापालिकेमध्ये नवनिर्वाचित नगरसेवकांनी काम कसे करावे याची शिबिरे घेऊन माहिती देण्यात आली असली तरी सुद्धा विजय झालेल्या नगरसेवकांनी प्रभागातील कोणत्या भागातील कामाला प्राधान्य द्यावे याचीच विभागणी न झाल्याने ठोस काम सुरू होण्यास विलंब होत आहे. सध्या सर्वच प्रभागांमध्ये नवनिर्वाचित नगरसेवकांसह अनुभवी नगरसेवक सुद्धा सर्वत्र लक्ष देत असल्याने एक वेगळच राजकारण सुरू झाल आहे. ज्या प्रभागातून जुने नवीन असे समिश्र चेहरे विजयी झाले आहेत त्या प्रभागांमध्ये सुद्धा अजूनही नव्या चेहऱ्यांना व जुन्या चेहऱ्यांना आपल्या हात कायम न झाल्याने काम करण्यास अडसर येत आहे. पुणे महापालिकेच्या वतीने सध्या विविध समित्यांच्या नियुक्ती प्रलंबित असल्यामुळे व प्रभाग समितीमध्ये प्रभाग अध्यक्षही नियुक्त झाले नसल्याने सर्वत्र गाठीभेटी हा एकमेव कार्यक्रम स्थानिक नगरसेवकांकडून केला जात आहे.
पुणे महापालिकेचे निवडणूक पूर्ण होऊन दोन महिन्यांचा कालावधी झाला असला तरी अनुभवी नगरसेवकांकडून प्रशासनाने मान्य केलेल्या अंदाजपत्रकातील काही शिल्लक कामे आपल्या नावे करण्याची लगबग सुरू आहे; तर नवीन चेहऱ्यांचे अजूनही सत्कार समारंभ आणि गाठीभेटी असाच कार्यक्रम सुरू असल्याने प्रत्यक्षात प्रभागांमध्ये कामाला सुरुवात कधी होणार आणि सर्वसामान्य नागरिकांचे प्रश्न कधी मागे लागणार हा एक प्रश्न निर्माण झाला आहे. पुणे महापालिकेच्या सध्या सुरू असलेल्या अंदाजपत्रकामध्ये फक्त अत्यावश्यक सेवेसाठी आवश्यक तरतुदीच असल्याने व कोणीही पाठपुरावा करण्यास विशेष लक्ष न दिल्याने सुमारे 60 टक्के कामे मंजुरी अभावी आहेत. जुन्या जाणत्या नगरसेवकांनी यामध्ये लक्ष घालून अंदाजपत्रकातील या निधीचा वापर करण्याची ‘नामी शक्कल’ सुरू केली असली तरी सुद्धा नवख्या चेहऱना याचा अंदाज न आल्याने अंदाजपत्रकातील ही तरतूद रद्द होण्याची शक्यता आहे.
यापूर्वी भारतीय जनता पक्षाची पुणे महापालिकेमध्ये सत्ता असताना आपापसात नगरसेवकांनी आपल्या प्रभाव भागाची निवड करून कामे करण्यास सुरुवात केली होती परंतु आज पुणे महापालिकेच्या निवडणुकीला दोन महिन्यांचा कालावधी पूर्ण झाला तरीही आपापसातील भागांची प्राधान्यता ठरवता येत नसल्याने महाकाय प्रभागामध्ये नवनिर्वाचित आणि अनुभवी दोन्ही चेहरे ‘भटकंती’ करत असल्याचे चित्र सध्या सर्वत्र दिसत आहे. पुणे महापालिकेत काम करण्याची संधी मिळाली असली तरी सुद्धा कोणत्या भागामध्ये कुणी काम करायचे याची दिशा ठरत नसल्याने सर्वत्र गोंधळाचे वातावरण आहे.
